Roekelose oorvloed

Daar is 'n engelse gesegde wat iets sê soos "you should cook and love with reckless abandon ". Nou daarop sal ek drink.

Ek dink my viskoekies van gisteraand tel as "reccless abandon", dis nou as die afrikaanse vertaling roekelose oorvloed sal wees, aangesien salmon vars te duur vir my beursie is, gebruik ek geblikte pink salmon "fancy" sê dit op die blik. As ek die dis moet beskryf sal dit wees, 2 sampioen, salmon viskoekie op aartappel koekie, maar dis te lank, so ek doop dit 'n oorvloedige viskoekie.

Jy het nodig:

Vir die Aartappel Koekie:

3 Groot Aartappels

1 Eier

2 Skeppe gekapte peppadews

Melk

Sout en Peper

Vir die Viskoekie

1 Blik "Fancy" pienk Salmon

1 Eier

2 Eetlepels Meel

1 Groot gerasperde ui

Vars Koljander Blare

3 Eetlepels coconut melk

Knippie Cumin

Knippie Neut

Sout en Peper

Broodkrummels

Vir Extra

Groot bruin sampioene

Klein (button) sampioene

Rooi ui

Teelepel Kappertjie saad

Bietjie coconut Melk

Een teelepel meel

Metode:

Om die aartappel koekies te maak

Kook geskilde aartappels tot net gaar, breek met vurk in growwe stukke, meng met uier, peppadews, en klein bietjie melk, voeg sout en peper na smaak by, bak to goud bruin in muffin pannietjies, of iets soortgelyk, teen 180 grade.

Viskoekie

Meng al die bestandele behalwe die broodkrummels, vorm koekies en rol in brood krummels, bak in vlak olie oor medium hitte, tot die krummels 'n mooi goue kleur het.

Extra

Breek die stingel van die groot bruin sampioen uit, sonder om die sampioen te breek, braai in botter tot gaar.

Sny rooi ui in dun skywe, braai in olie, voeg "button" sampioene en kappertjie saad by, braai alles tot gaar, voeg so 5 eetlepels van die coconut melk by, en klein bietjie meel (so 1 teelepel) laat verduk, en kook goed deur.

Rangskik viskoekie, dan bruin sampioen bo op, viskoekie bo op die sampioen en gooi die sampioen, rooi ui en kappertjie saad sous bo oor.

Lekker eet

potjie