WAT EET ONS

Dis my wereld

2011-08-21T18:50:00.004+02:00

Toe ek vandag van Malmesbury terug ry huis toe besef ek weer hoe die liefde vir jou eie wereld altyd daar sal wees, miskien wil jy nooit weer op die tuisdorp van jou kinderdae gaan woon nie, maar nogtans kyk jy elke Sondag in die Rapport wat jou skool Saterdag in die rugby gedoen het, die terleurstelling van 'n verloor (veral op interskole naweek) is miskien nie so groot soos wanneer die Springbokke verloor nie, maar naby genoeg aan die terleurstelling as jou provinsiale span verloor (asseblief WP, julle sal moet begin beter speel, my hart gaan dit nie hou nie.)

Voor die hartseer my oorval oor Malmesbury se pakslae in die naweek se Interskole gaan ek julle dus verwys na my Engelse blog vir 'n paar foto's van 'n regte .Swartlandse wintersdag.

Ek beplan 'n paar "postings" oor die Swartland in die toekoms, so as jy voel daar is iets in die Swartland waarsonder 'n artikel oor die Swartland totaal onvolledig sal wees, email my asb. by potjie3peen@gmail.com.

Lekker eet

Potjie

Salm viskoekies met mosterd en tarragon sous

2011-08-18T20:19:00.003+02:00

'n Man kan nie elke dag ure voor die stoof deurbring nie, en soms kom die hoof bestandeel van jou gereg dalk uit 'n blik uit, maar dis geen rede om afskeep kos te maak nie, vars salm is so duur aan die suid punt van Afrika dat as die lus vir dit jou oorval en die maand staan einde se kant toe, kan jy dalk genoodsaak wees om dit by Checkers in 'n blik te gaan koop.

As dit die geval is dan maak ons maar salm viskoekies, hoopenlik het jy die res van die bestandele in jou kas, en 'n terragon mosterd sousie klink vir my net reg hiermee saam.

Vir die viskoekies benodig jy:

1 blik salm
2 medium aartappels
1 ui fyn gekap
3 tot 4 tlps kappertjie saad fyn gekap
1 tlp droë pietersilie
1 eier geklits met 50ml melk
Skil en sap van een medium suurlemoen
1 suurlemoen in wiggies gesny vir opdiening
Broodkrummels
Meel (vir jou hande)
Olie
Sout
peper

Metode:

Kook die aartappels tot net gaar en maak fyn, wees versigtig om nie die aartappels te veel te kook nie, dit moet net-net gaar wees, anders gaan die mash, sorry kapokaartappels te watering wees. Laat die aartappels afkoel. Braai die uie in 'n bietjie olie tot net sag, laat afkoel. Sny die vis blik oop, dreineer en gooi in 'n meng bak. Maak die vis fyn, sit die kapok aartappels asook die uie, pietersielie, suurlemoen skil, sap en die kappertjie saad by. Gooi sout en peper na smaak by, proe of dit reg is, alles is mons gaar, so jy kan maar proe. Meng alles goed saam.

Vryf bietjie meel aan jou hande. Neem van die mengsel en vorm balletjies bietjie groter as gholf balle, rol in die eier en dan in die broodkrummels. Druk die balletjies plat om koekies te vorm. Verhit olie in 'n pan en braai die koekies oor matige hitte tot goud bruin aan beide kante.

Nou vir die sous:
2 eetlepels tarragon asyn (as jy nie het nie week bietjie droë tarragon in witwyn asyn, ek maak sommer vir my 'n bottel hiervan en hou dit)
1 eetlepel Dijon mosterd
1 eetlepel volgraan (whole grain) mosterd
3 eetlepels mayonnaise
Meng al die bestandele saam en bedien saam met die viskoekies.

Lekker eet
Potjie

Springbok Blad met Anchovy en Olywe

2011-08-17T17:48:00.006+02:00

Ons het groot geword met die idée dat die belangrikste spesery in wildsvleis naeltjies is, om die wildgeit glo weg te vat, 'n mens sou dink dat die hele idée van wildsvleis eet is om die wild te proe, daarom kook ek my springbok met anchovy om juis die smaak uit te bring, en dan natuurlik rooiwyn, en net omdat olywe en rooiwyn so lekker saamgaan sommer 'n handvol olywe ook.

Ek verkies die blad van 'n springbok bo die boud, maar die resep sal net so goed werk vir 'n boud as vir 'n blad.

Jy benodig:

1 springbokblad
3 tot 4 Anchovy fillette
250g repies spek
2 koppies rooiwyn
1 pakkie ontpitte swart olywe
Handvol tiemie
250g sampioene sommer vir die lekker
8 tot 10 klein uitjies
Sout
Swart peper

Metode:

Strooi sout en swart peper oor die blad, plaas in 'n oondvaste bak (jou braaibak sal lekker werk) smeer die fyngekapte anchovy oor die blad, neem die repies spek en bedek die blad. Gooi twee koppies rooiwyn in die braaibak, gooi die tiemie by (bind die tiemie met 'n tou aan mekaar vas, dan kan jy dit maklik uit haal aan die einde en jy hoef nie te sukkel om al die klein blaartjies van die takkies af te haal nie.) Gooi die olywe ook in die bak. Plaas in 'n 160°C voorverhitte oond, na 'n uur gooi die uitjies by, an na nog 'n halfuur gooi die sampioene by. Na twee ure behoort die vleis so sag te wees dat jy die been met jou hand uit die vleis kan trek, indien nie, laat nog 'n rukkie in die oond bak.

Haal die repies spek van die blad af en sny in stukkies, die vleis behoort vanself op te breek en die sous wat oorgebly het op slurp, meng die spek met die vleis en die olywe, sit voor met rys of kapok aartappels en soet patats, en soos altyd 'n glas of twee lekker rooiwyn.

Lekker eet
Potjie.

To read this post in English go to http://blogs.food24.com/potjie

Boere Paella

2011-08-07T18:14:00.004+02:00

Nou wat vir 'n ding is 'n boere paella mag jy dalk vra, nou om 'n boere paella te verduidelik moet ek eers 'n paella of Spaanse Paella verduidelik, en dan sal jy verstaan dat 'n boere paella eintlik 'n seekos bredie is waarvan die se Spaanse onderbroek uithang.

'n Paella is in wese 'n reisgereg, en afhangende van die area in Spanje sal die hoofbestandeel of skulpvis of iets soos haas wees. Die verskil tussen wat ek gekook het, en 'n regte paella is die natgeit of eerder drooggeit van die gereg, die opregte Spaanse paella is in wese 'n droë rysgereg, die een wat ek gekook het was bietjie meer nat, en ek sal nou-nou veduidelik hoekom.
My plan was om vir twee mense te kook, erens in die kook van enige paella gaan jy agterkom dis half ontmoontlik om paella, 'n boere een of 'n regte Spaanse een te kook vir twee mense, dis 'n gereg vir 'n klomp mense, 'n gereg vir 'n fees van familie en vriende.
Ek het begin om die gereg te kook in die grootste ysterpan wat ek het, maar baie vinnig besef dat daar geen manier is om die storie in die pan in te pas nie, toe moes ek maar alles in 'n groot pot gooi, en verlief neem daarmee dat die storie nie 'n regte paella gaan wees nie, jy sien 'n regte paella word in 'n groor platterige pan gekook. Die idée is dat die souserigheid weg kook op die groot oppervlakte wat verhit word, jy gaan dit nie regkry in 'n pot nie, die storie word 'n bredie of selfs potjie, sonder die lae ding, en as jou vrou by die deur instap met 'n klomp kreef om die bredie 'n bietjie weskus kleur te gee dan worry jy nie meer of dit 'n paella, potjie of bredie is nie.

So in 'n dag of twee sal ek die resep op my Ingelse blog sit, sodra ek kan onthou wat ek eitlik gedoen het.

Lekker eet

Potjie

'n Broodjie vir ontbyt, brunch of middag ete

2011-06-12T18:34:00.006+02:00

Ek het met brood groot geword, meestal winkel brood, sagte wit winkel brood, sondae aande was hulle vuurwarm afgelewer, en die hele dorp het na warm brood geruik.

Pouse kos was broodjies, middag ete was meestal broodjies (ma het gewerk) en ek wou nooit pap eet nie, so ontbyt was brood, toast met marmite, roosterbrood is die mooi afrikaanse woord, maar ons het dit toast genoem, marmite of anchovy toast, en anchovy was fish spread, nie klein vissies in olie nie.

Ek het nou nog nie regtig brood ontgroei nie, daar is deesdae net meer soorte brood in die winkel, en wie kan 'n vars Franse broodjie weerstaan, oopgesny en gebotter, roket blare, dan tamatie, goed gesout en gepeper, dan chedder kaas, en bo-op dit dun gesnyde ham met 'n smeerselkie mosterd, koningskos my ou maat, koningskos.

Nou gaan ek eers vir my 'n broodjie maak.

Lekker eet

Potjie

Die plesiere van winter

2011-06-09T19:19:00.012+02:00

Pies en Potjies

Sop en Bredies

Lemoene en pampoene

Lekker eet

Potjie

Ingelegte Beet

2011-06-05T19:32:00.003+02:00

Die Maklikste Resep ooit

Kook beet in baie water, met sout en 'n bietjie asyn tot sag. Verwyder skille en sit heel in gesteriliseerde bottels, of sny in skywe as jy dit verkies, as jy regtig moet kan jy dit seker rasper ook, maar ek verkies om kleinerige beet te koop en hulle heel te hou.

Kook stroop om die flesse mee te vul, deur een koppie suiker vir elke koppie asyn wat jy gaan gebruik te meng, kook tot die suiker opgelos is. Vul die bottels beet met die suiker/asyn mengsel, maak seker daar is geen lug borrels in die bottels nie, en dat die sous al die beet bedek. Skroef dig toe en bere tot jy dit benodig.

Lekker eet

Potjie

Brandnetel Tee - You must be joking

2011-06-03T13:22:00.003+02:00

Ek lees vandag 'n blog oor 100 goed wat elke omnivoor ten minste een keer in sy/haar lewe moet eet, en tweede op die lys is "Nettle Tea". Ek dink so by myself, maar 'n nettle is mons 'n brandnetel, of brandneukel soos ons dit kleintyd genoem het. Nee dink ek, kannie wees nie, g'n normale of abnormale mens sal tee van daai goed maak nie, jy sal jou binngoed toetentaal en al verwoes deur dit bloot te stel aan daai branderige onkruid.

Ek vat toe maar die woordeboek, en wragtig, dis 'n brandnetel, nou vra ek jou met trane in my navy blou oe, waarom maar waarom sal iemand tee wil maak van brandnetels, as jy regtig wil weet waarvoor mense se dis goed gaan na http://www.teabenefits.com/herbal-tea-benefits/nettle-tea-benefits.html, maar as jy dit gaan drink is dit nie op my aanbeveling nie, dit klink vir my na 'n branderige storie op die beste van dae.

Om die ander 99 goed te sien wat omnivore ten minste een keer in hulle lewe moet eet gaan na http://angeliqueca.wordpress.com/2011/05/26/the-omnivore%E2%80%99s-hundred/ as jy weet wat al 100 is buig ek in algehele respek voor jou, as jy al 100 geeet het, wel ek skat dan kan jy nou maar die tydige met die ewige verwissel.

Lekker eet

Potjie

Hout wat sweet

2010-11-17T21:19:00.001+02:00

Soms is dit ongelooflik hoe dom andersins heel inteligente mense kan wees as hulle iets simpels soos hout koop moet doen, en hoe goedgelowig.

Mense vra hout verkopers "Is die hout droog?" dit is soos om vir 'n gebruikte motor verkoopsman te vra of daar iets fout is met die motor wat hy aan jou probeer verkoop, moet liewers nie vra nie, daar gaan waarskynlik vir jou gelieg word, ja van beide die hout en die motor verkoper.

As jy na 'n sak hout kyk wat gesweet is in die binnekant dan is die hout nat, hulle gaan jou vertel dit sweet net omdat dit in die son lê, of soortgelyke nonsense. Kom nou man, iets kan net sweet as daar vog in is, gaan sit 'n stuk yster in 'n plastiek sak buite en kyk of dit môre lyk soos daai sak nat hout, nee niks het gesweet nie, want daar is nie vog in die yster nie, net so gaan 'n sak droë hout nie in die son lê en sweet nie, want dis droog, daar is nie vog in om uit te sweet nie, heel logies né, so volgende keer moet nie by die huis staan en skel op die verkoper nie, skel jouself dat jy so onnosel was om 'n sak vol water te koop.

Moet ook nie die houtverkoper vra of die hout kole maak nie, hy gaan waarskynlik weer vir jou lieg, as jy nie weet watse hout kole maak nie, bel 'n pel, moet net nie daai ou voor jou glo nie, hy mag dalk lieg, en op daai wit stukke bloekom hout gaan jy geen tjop gaar kry nie, nee man dit kos die helfte minder as die ander hout omdat dit vir niks behalwe kaggels goed is nie, doringhout en rooikrans, wingerdstompe en dies meer maak kole, oor mielie stronke kan ek my nie uitlaat nie, maar daai wit houtjies in die R10.00 sak maak vlamme en dan as, dis omtrent dit.

Lekker braai

Potjie

Sit dit in 'n bottel

2010-11-13T20:21:00.005+02:00

As die Springbokke 'n man to raserny dryf is dit altyd goed om iets te kry om jou gedagtes weg te kry van van sinnelose reserwes en verbroude tackles, maar wat weet ek van rugby, ek rook liewer mossels, ten minste stel 'n mossel nie sommer 'n man teleur nie, behalwe as daar miskien rooi gety is, maar mossels is so goedkoop jy kan hulle sommer by die groot winkel gaan koop as jy te ver van die see af bly, of as die see bietjie siek voel.

As jy dalk voel dat jou hande moet nou besig raak anders gaan jy dalk die TV stukkend gooi, of onnodig op onskuldige mense skree (refs tel nie as onskuldige mense nie) pak 'n klompie mossels in jou roker, geur met sout en peper en rook tot net gaar.

Laat die mossels heeltemal afkoel, verwyder uit die doppe. Plaas in gesteriliseerde glas bottels en vul met olie (ek gebruik goeie olyfolie) maak seker dat die mossels heeltemal bedek is.

As jy nou nie bang is vir knoffel nie, sit dan maar so huisie of twee knoffel saam met die mossels in die potjie, laat die geure lekker ontwikkel, as jy dalk so week kan wag sal dit goed wees, dit sal ook beteken jou weerstand is heelwat beter as myne.

Lekker eet

Potjie

Niks waterblommetjies maar baie wyn

2010-11-07T14:01:00.003+02:00

Die grootste fout wat jy as "kosmens" kan maak is om aan te neem dat kos vir ander mense net so belangrik as vir jou is, die werklikheid het ek gister weereens besef.

My vroulief stel my in kennis dat ons gaan na die waterblommetjie fees toe by Windmeul kelder in die Paarl, as jy altyd onder die indruk was dat dit eintlik Wellington is, dan neem ek jou geensins kwalik nie, ek self voel ook dis nader aan Wellinfton as aan die Paarl, maar kyk maar agter op die bottel, daar staan dit, "Wine of Origin Paarl", wat jy jouself oor kan kwalik neem, is as jy nie 'n bottel of twee van Windmeul kelders se wyne in jou huis het nie, selfs vrot van die Michelangelo stickers is die wyne heel bekostigbaar, sonder om enigings kwaliteit in te boek, maar terug na die waterblommetjie fees. Vroulief stel my in kennis ek moet so 16H00 daar wees, want Andriette tree om 16:30 op, dan kan ons wyn en waterblommetjies proe, die probleem was dat die waterblommetjie gedeelte alreeds om 09H00 begin het, al wat oor was om 16H00 was uitgebrande kole, gelukkig was die fees op die gronde van die kelder, so die wyn was nie 'n probleem nie, die gebrek aan waterblommetjies was blykbaar net vir my 'n issue, maar volgende jaar gaan ek vroeg genoeg om die waterblommetjies ook te proe.

Windmeul kelders is 'n produsente kelder in die Paarl (vrek naby aan Wellington) en behalwe goeie gehalte wyne sal jy ook 'n klomp gasvrye mense met 'n passie vir hulle kelder en wyne vind, besoek hulle gerus, jy sal aangenaam verras wees.

Lekker eet

Potjie

Die pannetjie roker

2010-10-04T19:52:00.002+02:00

So paar maande terug het ek geskryf van my roker wat ek laat bou het, groot genoeg om vir my vrou se hele familie gelyktydig te rook, maar eenkeer elke 5 jaar is ons alleen, en as ek dan iets wil rook (soos in kos jou blikskottel) haal ek die rook pannetjie uit, net groot genoeg vir so 4 vark tjoppe, of twee nie te groot forelle, en in die klein rokertjie kan jy wegkom met twee teelepels saagsel vir 'n ligte rooksmaak, so bietjie meer vir 'n swaarder rook smaak.

Sit die saagsels onder in die pannetjie, sit die drip skinkbord bo-oor, dan die roostertjie met die vleis of vis, maak toe die deksel, sit op 'n hitte bron, en daar gaan jy, gemiddeld so 10 minute vir elke 100g vleis, bietjie korter as jy dit nie te gaar wil hê nie.

Lekker rook (kos)

Potjie

Ryp en reg om te eet

2010-09-29T20:06:00.005+02:00

Terwyl ek so in die middag verkeer sit en sukkel oppad Fruit and Veg toe hoor ek op die radio nuus van 'n man wat in 'n padwoede voorval iemand met 'n sambok geslaan het, net toe ry ek verby 'n straat smous wat sambokke verkoop, en ek dink by myself, ek moet nie so ding koop nie, want so geirriteerd as wat ek nou is kan ek dalk net iemand slaan as ek 'n sambok in my kar het.

By Fruit and Veg loop ek reguit na die "Ripe and ready to eat" avo's toe, tussen vandag en die laaste keer wat ek avos gekoop het, het mense blykbaar begin klipharde groen avo's eet, ek begin toe weer dink aan daai sambok, veral toe die bestuurder my 'n lang slap k_k storie vertel, toe haal ek diep asem, wens weer ek het daai sambok gekoop, en toe gaan koop ek maar 4 ooryp en lankal gereed avos by Checkers net om die hoek.

Om te sien wat ek met daai avo's aangevang het, gaan loer in by What's Cooking.

Lekker eet

Potjie

Braai aartappels

2010-09-28T21:15:00.004+02:00

Gewoonlik is die oond die eerste ding wat aangesit word as mens braai aartappels maak, maar vir die braai aartappel gaan die oond glad nie aangesit word nie, dit gaan regtig gebraai word.

Kook 'n paar lekker groot aartappel tot net gaar, sny in die helfte deur en laat afkoel en droog af. Spuit olyf olie oor die aartappels (Woolies verkoop so olyf olie spuitjie) en maal Khoisan see sout oor die aartappel en braai dan oor kole, ja soos in regtig braai, tot die aartappel lekker bros is, maar moenie brand nie.

Bedien saam met 'n lekker T-been biefstuk, en 'n glas of twee rooiwyn.

Lekker eet
Potjie

Gebraaide Baba Hoenders (Poussin)

2010-09-20T21:21:00.004+02:00

Vandag is ons terug by kos, terwyl ek nog een of twee lesers oor het sal ek maar die politiek en ander diep dinge uitlos, en my by kos en wyn bepaal, so gooi vir jouself 'n wyntjie, steek die vuur op en laat ons begin met daai baba hoendertjies, een per person.

Sny die hoendertjies op die borsbeen (dis die kant tenoorgesteld van waar die stuitjie is) in die middel deur, en maak hom lyk soos die hoenders wat hulle in die winkel spatchcock noem.

Vir die klein hoendertjies gebruik ek geen marinade nie, net sout en peper en 'n bietjie suurlemoen sap, en braai maar hoog bo die kole, en logika behoort jou te vertel dat die outjie net die helfte of minder van 'n groot hoender is, so hy gaan helfte of minder tyd vat om gaar te word.

Aangesien die outjies maar min tyd gehad het om mielies te eet, maak ons sommer mielies gaar om saam met hulle te geniet, en aangesien geen braai 'n braai is sonder 'n braaibroodjie nie, braai ons 'n broodjie. En nee, ons gaan nie vanaand stry oor die beste braai broodjie nie, vanaand laat ons die stryery vir die politici en ander goor mense, kom ons maak liewer nog 'n bottel wyn oop en praat oor rugby, wel miskien dan liewer oor braai broodjies, kans vir baklei is minder.

Lekker eet

Potjie

Wat praat jy?

2010-09-19T20:21:00.002+02:00

Na meer as 'n week is ek terug in blogland, om blog vakansie te vat as jy blog genomineer is as een van die 10 bestes in een of ander kategorie hier kort voor die finale is seker nie die manier om jou lesers aan te moedig om vir jou te stem nie, maar as jy niks te sê het nie, dan sê die meeste mans niks nie, ek ken een of twee wat ongelukkig baie te sê het oor goed wat hulle niks van weet nie, maar kom ons los daai gesprek maar vir 'n ander dag.

Ek is al gekritiseer as ek oor ander goed as kos hier skryf, maar die idée was nooit dat die 'n Afrikaanse resepte boek sou wees nie, oor die meeste van my gedagtes oor kos en drank gaan, skryf ek die meeste van die tyd oor kos, maar die blog gaan meer oor dinge wat ons rondom die etenstafel oor praat, my Calvinistiese opvoeding behoort my te verhoed om oor godsdiens of politiek te praat rondom die etenstafel, o ja en oor seks, wel oor seks word eintlik rondom geen tafel gepraat nie, oor godsdiens word gepraat, maar nooit geredeneer nie, wat in die bybel staan is nie oop vir interpetasie nie, jy glo of jy gaan hel toe, so eenvoudig soos dit, ek praat nou van glo woord vir woord, en om eerlik te wees, daar is 'n paar goed wat nogal lekker gestry oor kan word, maar dis hier waar ek nou eers godsdiens langs die tafel gaan laat.

Politiek is 'n ander tameletjie, deesdae kan jy niemand vind wat vir die Nasionale Party gestem het nie, toe ek op skool was, was almal wat nie vir hulle gestem het nie idiote of kommuniste, ek onthou die storm wat dit ontketen het in die familie toe ek die voorganger van die DA die Onafhanklike Party of kanidate ondersteun het, landsverraaier was ek, kommunis, rebel en vele meer, maar nie 'n trotse Afrikaner seun nie, ek het alles verraai wat dierbaar is, en nog sonder 'n das in die kerk ook opgedaag, tot verlorenheid verdoem. Deesdae voel dit vir my as jy die ANC kritiseer dan is jy 'n rasis, dis nou as jy wit is, as jy swart is is jy seker soos in die ou dae 'n landsverraaier, in die land van ons kan jy nie wen as jy nie vir die regerende party stem nie, nie voor of na demokrasie nie.

Maar miskien moet ek my maar by kos bepaal, ek weet in elk geval meer daarvan as van politiek of godsdiens, wat nogal 'n vreeslike gedagte is, want ek weet maar redelik min van kos ook af, wat ek wel weet is dat eek meer van chefs as politici hou.

Lekker eet

Potjie

Lei SA of Ly SA

2010-09-09T21:26:00.003+02:00

WAARSKUWING: Wat hier volg het niks met kos te maak nie, as jy van die mening is dat godsdiens en politiek nie om die etenstafel hoort nie, is die volgende waarskynlik ook nie 'n gesprek vir rondom die etenstafel nie.

By hiedie tyd het die meeste mense in SA nou al van die Lei SA veldtog gehoor, en miskien is jy van die mening dat dit soos in die film Pay It Forward hierdie groot ding is wat hierdie groot verskil in SA gaan maak, en in die begin het ek ook gedink dis 'n cool idée, maar by die dag raak ek meer geirriteerd met mense wat radio stasies bel met die goedjies wat hulle vandag gedoen het om SA te help "lei", luister nou mooi, die feit dat jy vanoggend by die stopstraat gestop het wat jy elke oggend "skip" maak nie die wêreld 'n beter plek nie, dis wat jy veronderstel is om te doen, om die waarheid te sê, behoort jy al lankal jou lisensie te verloor het omdat jy elke dag die wet oortree, jy is 'n gewoonte misdadiger, gaan bieg by jou sielkundige of priester, ek stel nie belang nie!

So ok, jy het vandag agter iemand gestaan wat 50c te min gehad het vir wat hulle gekoop het, great toe gee jy vir hulle 'n rand en jy wil nie die kleingeld hê nie, raai wat? die meeste mense wat dit enigsins kan bekostig het dit al gedoen, die feit dat jy dink jy het die wêreld 'n beter plek gemaak, en die wêreld daarvan wil vertel is 'n vreesaanjaande gedagte.

Kom ons wees nou bietjie sinies oor die veldtog, jy doen iets goed, of anders as wat jy elke dag doen, dan SMS jy jou goeie daad teen R3.00 of wat ook al aan een of ander nommer, gewoonlik kos 'n SMS kom ons se 60c, waar gaan die ander R2.40 heen? Na die veldtog se spesiale bankrekening om armoede te verlig? Nee? Ek het nie so gedink nie.

As jy moreoggend voel jy moet die wêreld vertel dat jy die ou tannie oorkant die straat gegroet het dink weer, dis die tipe ding wat normale mense doen, as jy voel dis spesiaal het jy 'n probleem, sorteer jou probleme uit, maar asseblief nie op die radio nie, dis erg genoeg om elke oggend wakker te word met die gedagte dat die Sprinbokke deur 'n nar afgerig word, ek sien nie kans vir jou persoonlike probleme ook nie.

Lekker eet

Potjie

Die geheim van ‘n goeie roerbraai.

2010-09-08T21:03:00.011+02:00

Vir die wat nie weet nie, roerbraai is wat ons stir-fry noem in die soetste taal, en die geheim van 'n goeie roerbraai het ek een Saterdag oggend by 'n Thaiwanese chef geleer, die geheim is gas. Ja gas, jy gaan nooit die hitte uit jou elektriese stoof kry wat jy nodig het om 'n roerbraai gereg te kry soos hulle dit in die Chinese restaurant maak nie, en dan moet jy ook sommer die gas, gas gee, hitte is wat jy soek, en neem daai roer ernstig op, daar moet beweging wees.

Wanneer jy jou vleis gemarineer het, maak seker dat jy die vleis droog kry voor jy dit in die wok sit, anders gaan jy te veel vog hê, en dan gaan die affere begin kook in plaas van braai.

Laaste maar nie die minste nie, kyk maar daar op BBC food of in die Chinese restaurant, die wok het nie 'n plat bodem nie, dis rond onder, (dit behoort jou klaar te sê, dit hoort nie op 'n elektriese stoof nie.) en dis belangrik, want die vorm sorg dat jy kan roer sonder dat alles terug val na die middel van die wok toe, en vergeet maar van die elektriese wok, daai goed wat aan en afsit soos hulle wil ala 'n braaipan is nie wat jy wat jy wil he as jy 'n ordentlike roerbraai gereg wil hê nie.

So steek aan daai gas brander, haal uit die soya sous en vis olie, skil uie en sny groenrissies in repe, en roer.

Lekker eet

Potjie

So Kaap’s soos snoek

2010-09-07T21:10:00.006+02:00

Van Constansia to Mitchelsplein, van Houtbaai tot Kraaifontein en orals tussen in is daar een ding wat een of ander tyd op ons almal se tafel beland, ongeag van taal, geloof of ras, as jy in die Kaap woon gaan jy jou een of ander tyd in 'n snoek vasloop.

Die Maleiers het vir ons smoorsnoek gegee, op die Kaapse vlakte is gebakte snoek gewilder as die hake en chips elders, en dan is daar die snoek braai, om te konfyt of nie te konfyt nie is die groot vraag, as jy my vra gaan snoek en appelkoos konfyt saam soos Piet en Griet, soos Kerrie en rys, soos biltong saam met rugby, julle kry die idée…

Dan is daar natuurlik nog gerookte snoek, eet hom net so, of bak viskoekies, of nog beter wat van 'n gerookte snoek pate. Moenie sout snoek vergeet nie, of snoek biltong, maar sorg dat jy iets te drinke het as jy daaraan gaan peusel, daai sout maak dors.

As jy die vrye mark stelsel in al sy glorie wil sien werk, hou die snoek bote en bakkies dop, baie snoek = goedkoop snoek, min snoek = duur snoek, as die snoek begin skaars word kan jy maar baklei soos jy wil, maar betaal gaan jy betaal, hulle weet daai paar snoeke sal verkoop, maar as die snoek bakkies sulke rye langs die pad staan kan jy maar begin onderhandel oor die prys, en kyk na die kiewe, as dit soos ou bloed lyk is dit hoekal gister se snoek, druk jou vinger in die vleis van die snoek as hy klaar gevlek is, as jou vingermerk soos 'n groot gat daar bly sit, sê hulle maar wat hulle kan doen met daai snoek, hy's pap my ou maat, hoe hy pap gekom het weet ek nie, en niemand is blykbaar seker hieroor nie, maar sleg so pap snoek, dit kan ek jou vertel.

Vir 'n paar idees met gerookte snoek sien my Engelse blog, en onthou om te stem vir die blog as die beste "indigenous language blog"

Lekker eet
Potjie

Die somer kom aangewaai

2010-09-06T20:54:00.003+02:00

Dit mag dalk nie so voel in die Kaap nie, maar vandag het die somer sy koms aangekondig, die temperatuur mag dalk nog effens onder 20 wees, die snoek bakkies bring nog groot snoek in, sondag nag het daar selfs 'n paar druppel reen geval, maar wanneer die sedoos, of ook bekend as die suid oos waai soos hy vandag gewaai het is die somer net om die draai.

Wanneer die koue jou dus in die volgende week of twee oorval, kook maar daai bredie of kerrie, dis dalk jou laaste kans, want die suidoos is besig om die somer aan te jaag, nie te ver in die toekoms le daar 30 grade dae, dae vol koue witwyn en visbraai, sonsondergange na ag en rose wyn.

Lekker eet
Potjie

Dis 'n wok Wilemina dis 'n wok, is dit nie 'n wok nie

2010-09-05T18:36:00.003+02:00

As 'n man wil kosmaak vir 'n klomp mense moet jy sorg dat jy die gereedskap het vir die tiepe van ding, braai vir 'n spul mense is maklik, sit nog roosters by, maar Chinese is 'n ander tiepe van ding, jy kan nie 3 of 4 woks gelyktydig bemeester nie, al probeer jy hoe hard, erens gaan die paw-paw die fan strike, so kry nuwe speel goed, 'n groot wok, en sommer 'n gas brander spesiaal vir daai wok

Die ding van so groot wok is dat 'n man bietjie belaglik kan lyk as jy daarin kook vir 4 of 5 mense, maar man moet sy nuwe speelgoed uit toets, so selfs al het ek net 5 eters bymekaar gekry, het ek die soya en gemmer laat meng met die knoffel en chilies.

Lekker eet

Potjie

Bees Carpaccio

2010-09-02T07:47:00.002+02:00

Carpaccio is een van daai geregte wat ons gewoonlik in 'n restaurant bestel maar nooit self maak nie, en hoekom nie, dis eintlik tog net rou vleis, die groot probleem is die dun sny, maar nou die aand hou ek die ten volle geklede naked shef dop, en hy maak toe min of meer so.

Soos met enige vleis, eintlik enige kos, koop die beste kwaliteit wat jy kan kry, vir die bees carpaccio 'n stukkie fillet, met 300g kan jy 'n voorgereg vir 4 mense maak.

Maal growwe swart peper op 'n blad, en dan sout, rol die fillet in die sout en peper mengsel tot dit die hele fillet bedek het.

Maak 'n pan (hierdie teflon pannetjies werk goed) lekker warm, spuit met spray-and-cook en braai die fillet tot lekker bruin in al die kante, haal uit die pan, laat rus vir so 5 minute. Bedek die fillet met "clingwrap" en sit in die frieskas vir so uur om die vleis lekker ferm te kry. Sny die fillet met 'n skerp mes so dun as moontlik, maar dis nie nodig om 'n elektriese snyer te gebruik nie, dit is mons nou eintlik net 'n medium tot rou steak. Pak in 'n bord en sprinkel 'n goeie kwaliteit olyf olie en balsamiese asyn bo oor, maal bietjie swart peper en sout bo oor, bedien met roket blare.

Lekker eet
Potjie.

En die wenner is

2010-09-01T12:58:00.003+02:00

Robin van Graan

Geluk aan Robin van Graan wat die naweek by die Cascades @ Club Mykonos gewen het.

Potjie

Alweer biefstuk

2010-08-29T18:25:00.003+02:00

Biefstuk oftewel steak is een van daai goed wat elke man dink hy weet hoe om dit die beste te braai of te bak, en die meeste mans is (soos gewoonlik) verkeerd.

Ek gaan nie weer deur die hele oefening gaan nie, maar vir my is daar twee of ala Salemo nee 3 belangrike goed wanneer jy steak braai.

1. Goeie vleis

2. Baie warm pan/kole

3. Moenie oorgaar maak nie

Ekself is nie 'n sous mens nie, ek hou van die smaak van vleis, en dieselfde gaan vir my vir die bygeregte, hou dit eenvoudig, 'n opgekookte aartappel en pampoen, nie iets wat die steak gaan oordonder nie.

Lekker eet

Potjie

Wat gebeur as jy te veel groente eet?

2010-08-27T12:54:00.002+02:00

Jy begin gesigte sien.

Lekker naweek

Potjie

Asseblief tog somer kom nou

2010-08-27T12:45:00.001+02:00

'n Nuwe gesig vir die Swartland

2010-08-24T19:47:00.003+02:00

Die gesig van die Swartland was altyd koring, grasgroen in die winter wat tot goudgeel verander in die somer, en dan na oestyd so half barre stof geel van die koring stoppellande, maar in die laaste paar jare het daar 'n kanarie geel in die Swartland verskyn, lank voor die koring begin ryp word is daar geel blertse tussen die groen koring lande, kanola geel om presies te wees, en miskien is dit gepas nou dat mense meer margarien as botter eet dat kanola so tussen die koring groei.

Daar is natuurlik 'n ander geel in die winter in die Swartland, 'n heelwat ligter geel, ramnas is sy naam, en nie soort van ding wat mens aspris groei nie, ook nie die tiepe ding waarvan jy sal margarien maak nie, vra maar vir enige iemand wat al melk gedrink het waarvan die koeie ramnas geeet het, nie 'n smaak wat mense laat toustaan nie, glo my.

Lekker eet

Potjie

Engelse Les

2010-08-20T08:04:00.003+02:00

Disappear - ingeval jy nie weet nie

Lekker eet
Potjie

My Eet in die Park droom

2010-08-18T18:54:00.004+02:00

Die droom van my sal my in 'n 400km radius van Kaapstad neem na plekke soos, Beaufort West, Langebaan, Swellendam en Citrusdal. Die een ding wat die dorpe ingemeen het is dat daar 'n Nasionale Park of Wildernes gebied op hulle voorstoep is, en dis waar my droom begin.

Wat ek wil doen is om my gas stovie te pak en die Nasionale parke en wildernes gebiede besoek, en in elk een van hulle iets te kook van die omgewing, vis in Langebaan, miskien iets rook met rooibos in Citrusdal, skaap of springbok in Beaufort West, en bontebok met braamberries in Swellendam, julle kry die idée, MNET, SABC, enige iemand wat belangstel?

Lekker eet

Potjie

Om te droom

2010-08-17T21:18:00.003+02:00

"My heart is afraid that it will have to suffer," the boy told the alchemist one night as they looked up at the moonless sky." Tell your heart that the fear of suffering is worse than the suffering itself. And that no heart has ever suffered when it goes in search of its dreams."

Die boonste aanhaling kom uit The Alchemist van Paulo Coelho, een van my gunsteling nie-kook boeke, en hoekom ek vanaand daaraan dink weet ek nie regtig nie, maar nou laat ek dit weer lees het ek aan drome begin dink, die meeste van my drome het met kos te doen.

Ek sal vandag julle 'n skrefie geen in een van my drome.

Die droom speel af in 'n klein dorpie, met huise ouer as die Kasteel in Kaapstad, olyf en suurlemoen bome, lavender en papawers en rose rooier as wat jy kan dink. Dan is daar die mark, met tafels vol kase en salami, haas en hoender lê styf teen kalkoene en eende, klein roos knoppies en 'n reenboog van peper korrels verlei jou om te koop, groente en vrugte wat net sowel 'n blomme rangskikking kon wees vra vir maaltye by groot tafels vol lag en wyn, ja dis in die land waar brood nog by die bakkery gekoop word, sigarette by die tabaconist en wyn orals, waar winkels in die middag sluit, en kos 'n godsdiens is, waar ek nie die taal verstaan nie, maar die mense wel, dis die Franse platteland, en dis 'n droom.

More deel ek 'n ander droom, miskien

Lekker eet

Potjie

Weskus O Weskus

2010-08-16T22:00:00.003+02:00

Potjie

Sy’s verslaaf aan Tom en Jerry, maar cheer vir die kat

2010-08-15T11:28:00.004+02:00

My vriend Karl, die een met die skewe blessie is verslaaf aan rolprente met interresante titels, ek is mal oor interresante "one liners", nie die komedie tiepe een lyners nie, maar daai een sin wat buite konteks miskien geen betekenis het nie, maar binne konteks die hele storie maak, sinne wat jou jare later nog bybly, lank na jy die storie vergeet het. Die titel hierbo kom uit vandag (15 Augustus) se Rapport, My Tyd, in die Voorsmaak rubriek met die title Dis kos vir 'n Leeu deur bib big joe.

Die resep wat hiemee saamgaan is een vir macaroni en kaas, iets wat ek laas op skool geëet het, en myself belowe het ek sal nooit weer eet nie, in so mate dat ek enige pasta koop, maar nie macaroni nie. In alle respek aan my ma, maar daai droë macaroni en witsous met skywe tamatie en chedder bo-op was nie iets wat ek noodwendig weer wil eet nie, maar ek moet bieg dat die resep van big big joe klink heel eetbaar, wel miskien bietjie meer as eetbaar, miskien selfs vrek lekker as jy my vra.

Lekker eet
Potjie

Met die maan gepla

2010-08-11T19:49:00.003+02:00

Om darm iets van kos in die stuk te gooi sal ek maar begin met die woorde van die tema lied van 'n ou TV reeks, as ek reg onthou het Mynie Grove dit gesing, die naam kan ek egter nie onthou nie, maar dit gaan iets soos "Kaspaas lavaas, toe ons nog klein was, was die maan van kaas"

Toe my vrou vanaand roep om die maan te kom kyk (jammer die foto is nie te great nie, die maan is erens in die middle bo) toe dink ek aan my pa, hy het altyd gesê as jy na die sekel maan kyk en dit lê op sy rug, dan skep die maan, so dit beteken dis besig om laagwater te raak, as die maan se sekel vorentoe lê, dan gooi die maan die water terug, so dis besig om hoog water te word.

Ek dink die foto is op die draai van die gety geneem, want dit skep nog nie, en dit gooi ook nog nie.

Lekker eet
Potjie

‘n Dilemma van epidermiese proporsie

2010-08-11T07:46:00.002+02:00

My vroulief het my gisteraand ingelig dat sy van Donderdag af saam met die helfte van haar familie by Weighless aansluit, en dat ek behoort ook, maar op die minste moet ek nou die lae vet, lae kilojule kos kook.

Nou bid jou aan ek skryf hier oor slaai en gestoomde vis, die mense sal mons dink die aliens het my kon vang en met iemand anders omgeruil wat min of meer soos ek lyk.

Nou hoe moet ek nou maak, as ek nie die kos gaan kook nie gaan my vrou tyd nodig he in die kombuis, en ons kombuis is te klein vir twee, en ek is boonop ook nie lus om in die spaarkamer te slaap nie, en ek gaan dan op die einde die enigste vettie wees, wel miskien nie die enigste een nie maar nogtans.

Enige voorstelle is baie welkom, ook die naam van 'n goeie slaappil, die krisis gee my slapelose nagte.

Lekker (di)eet

Potjie

Volstruis lewer pate

2010-08-04T20:35:00.002+02:00

As man nou 'n ding soos 'n volstruis lewer raakloop kan jy net sowel verbeel die wêreld is jou oester en wild gaan, gryp 'n koppie room kaas of dubbel room (dis seker wat mens double cream in die soetste taal noem) kap 'n ui fyn, kap dan sommer bietjie tiemie by, en terwyl jy nou besig is kap sommer 'n knoffel huisie of twee ook fyn.

Skink nou vir jou 'n glas wyn en bedink die ding goed deur, miskien onthou jy van daai bottel Verlaque Balsamic Reduction (Fresh Raspberries) in die kas, dan haal jy hom ook sommer uit.

Vat daai yster pan van jou en gooi bietjie olyf olie in, braai die uie en knoffel tot sag, voeg die volstruis lewer by (so 350g) en braai tot bruin, voeg tiemie by en geur met sout en peper. Gooi bietjie van die balsamic reduction oor en braai tot gaar.

Laat lewer bietjie asfkoel, gooi in voedselverwerker, voeg room of roomkaas by en verwerk tot fyn, gooi in klein bakkies en sit in yskas vir ten minste 24 uur, as jy dit kan hou.

Lekker eet

Potjie

Maklikste Chinese ooit

2010-08-03T19:46:00.003+02:00

Koop springrolls en chilie sous by Chinese winkel, braai in diep olie tot goud bruin, en impress almal met jou tuisgemaakte springrolls.

Moet vir niemand vertel nie.

Lekker eet

Potjie

Uit die veld (geslaan)

2010-08-01T19:19:00.003+02:00

In die laaste jare het suurlemoensap en skil surings vervang in waterblommetjie bredie, en ek was altyd onder die indruk dat dit maar ons gewone luiheid is wat hierna gelei het.

Maar 'n tyd gelede lees ek 'n resep vir waterblommetjie bredie, en die skrywer van die artikel noem toe dat hy/sy nie meer surings in die hande kan kry nie, en ek begin toe wonder of surings aan die uitsterf is.

Toe ek dus die naweek tussen Stellenbosh en Malmesbury orals geel blommetjies langs die pad opmerk stop ek net daar en gaan kyk na die blomme wat teen 120km/h kompleet soos surings lyk, en tot my blydskap vind ek toe uit dat surings g'n aan die uitsterf is nie, mense is net bloot lui om in die veld te gaan stap en dit te pluk.

Waterblommetjie tyd is ook suring tyd in die Kaap, so stop jou motor, gaan stap in die veld en pluk surings, en maak waterblommetjie bredie soos jou ouma dit gemaak het, en vir so proesel van kleintyd eet sommer 'n handvol daar in die veld.

Lekker eet
Potjie

'n Familie fees sonder woorde

2010-07-28T20:18:00.010+02:00

ONTHOU OM IN TE SKRYF VIR DIE CASCADES @ CLUB MYKONOS KOMPETISIE

Wyn in plastiek bottels

2010-07-27T20:06:00.002+02:00

Backsberg het besluit om sekere van hulle wyne in plastiek bottels te verkoop om hulle self bietjie groener te maak (http://www.food24.com/Wine/Focus/Would-you-buy-wine-in-plastic-bottles-20100726), die laaste wyn wat ek in 'n plastiek bottel gekoop het was op 'n mark in Frankryk, en dit was nie 'n aangename ondervinding nie, ok die feit dat dit in 'n 5 liter kan gekom het moes dalk iets vir my vertel het, maar ek het regtig nie gedink sulke slegte wyn kan uit Frankryk kom nie, Italie miskien ja, maar Frankryk nooit, maar so word ons wys.

So dit mag my dalk 'n tydjie vat om myself sover te kry om wyn in 'n plastiek bottel te koop, maar ek het gewoond geraak aan skroef proppe so ek kan seker aan plastiek ook gewoond raak.

Cheers

Potjie

Ou familie resepte – nie regtig

2010-07-26T20:41:00.002+02:00

My ma is nie regtig 'n koker of bakker nie, sy hou van tuin maak en huis skoon maak, ja regtig, sy hou van huis skoonmaak. Maar kos kook is 'n noodsaaklike ergenis, jy eet omdat jy moet leef, jy leef nie om te eet nie, sy verstaan glad nie hoekom ek alewig besig is om te kook nie.

Sy het egter 'n paar goed wat sy maak wat ek altyd gedink het moet een of ander familie resep wees. Toe ons klein was, was daar altyd tuis gemaakte gemmer bier in die huis, gemmer koekies en karringmelk beskuit was deel van ons huis, so ook korslose melk tert.

My skok oor die familie resepte van my ma was groot toe ek haar eendag bel vir 'n resep, en sy sê, maar jy het mons 'n Kook en Geniet , effens oorbluf het nog gevra, hoe bedoel ma nou, maar dit was onafwendbaar, my ma se familie resepte het uit die Kook en Geniet gekom, en haar van is nie De Villiers nie.

Lekker eet

Potjie

NIKS MET KOS TE DOEN

2010-07-26T13:20:00.003+02:00

Om deesdae toets rugby te kyk is soos om wildtuin toe te gaan. Jy eet lekker biltong en drink lekker bier en kyk hoe k@k die bokke.

Snik, snik, snik

Potjie

My kook program

2010-07-23T10:32:00.003+02:00

Hier is die eerste draft van die advertensie vir my eie kook program.

Kliek op die prentjie hieronder om in te skryf vir die wen 'n naweek by Cascades @ Club Myconos kompetisie.

Lekker eet
Potjie

Wat lag jy?

2010-07-21T20:11:00.004+02:00

Ek wou hierdie blog post begin het met ons Afrikaners, toe onthou ek van die vrou wat ek jare gelede mee saam gewerk het op die lughawe, wat altyd gesê het, Afrikaners is rooi koeie met horings, wel twee uit die drie het betrekking gehad, en soms het ek gewonder of sy nie horings ook het nie. So dalk sal die regte bewoording wees, ons Afrikaanses, of Afrikaans sprekendes, maar hoe dit ook al sy, ons het effens van 'n ander humorsin as die Engelse, en ek praat nou nie eers van Britse humorsin nie, dit vind ek bloot net nie snaaks nie, maar nou ja, die feit dat ek die Amerikaanse "slap-stick" humor meer geniet sal sommige mense my inteligensie laat bevraagteken.

Wat my hieraan laat dink het is die "comments" wat mense op die Engelse kos blogs maak, altyd vreeslik ernstig, behalwe as dit een van ons rock spiders is wat begin "comments" maak, dan raak dit gewoonlik 'n nonsense pratery, en passop vir flirt met sarkasme, wat ons in Afrikaans as baie snaaks beskou word maklik in die rooi taal as sarkasme beskou, ek het eendag gedink ek is baie snaaks om te vra hoekom iemand se kos deur die blare is na aanleiding van 'n pragtige foto waar herfs blare so tussen die borde rond lê, die vraag is begroet met 'n ysige stilte.

Gister het Lavender and Lime 'n posting gedoen oor slegte spelling en taal gebruik, sy het baie reaksie gekry van mense wat net soos sy 'n broertjie dood het aan slegte spelling, 2 grapgatte moes natuurlik snaakse (wel ons het gedink dis snaaks) opmerkings maak, ek en Shaz, en ongeag van haar half Engelse naam is sy so Afrikaans soos 7de laan.

As my soms verdagte spelling jou dalk soms irriteer kan ek net Mark Twain aanhaal (vrye vertaling) deur te sê, ek het geen respek vir 'n persoon wat nie elke woord in ten minste twee maniere kan spel nie.

Onthou om in te skryf vir die wen 'n naweek by Cascades @ Club Mykonos kompetisie.

SKRYF NOU IN

Lekker eet.
Potjie

Entry into Cascades @ Club Mykonos Competition

2010-07-20T08:47:00.016+02:00

Win a weekend away at Cascades @ Club Mykonos during September or October 2010

The Unit

Situated on the water's edge of the Langebaan Lagoon, inside Club Mykonos Resort, this two bedroom unit sleeps 4 or 6 people.

This unit - a stone throw away from the beach, overlook our magnificent communal braai/garden/pool area and are equiped with the following:

Open plan fully equipped self catering kitchen

Large living area

Bedding and bath towels

Television in living area (selected DSTV Channels)

Television in bedrooms (selected DSTV Channels)

Communal braai and pool area

Allocated shade port parking (one vehicle per unit)

Public parking area

Daily housekeeping services (Excluding Sundays and Public Holidays)

24 Hour Maintenance and Reception

24 Hour Security and surveillance

Unit Now with own built in braai

Residents have full access to all resort facilities and casino

All you need to do is fill in the form below and click on submit.

Competition close on 30 August 2010

Price must be claimed before 30 October 2010, and not during long weekends.

Need assistance with this form?

Report abuse

Dis ‘n fout Wilamina dis ‘n fout

2010-07-15T21:10:00.002+02:00

Vandag se blog was veronderstel om 'n viering van die suksesvolle bak van my eerste melktert te wees. Vandat ek kan onthou bak my ma die melktert, ek het gedink dis 'n ou familie resep, maar moes toe uitvind dis 'n Kook en Geniet resep.

Ek het nogal gedink ek is baie oulik en die vanilla geursel met regte vinilla vervang, maar om een of ander rede wil die middle van die melktert nie stol nie, so ek moet my kop en skaampte laat sak, ek het not steeds nie 'n tert in my arsenaal nie, miskien was ek in my jong dae te veel met die ander soort terte deutmekaar, ek sal maar weer moet probeer.

Lekker eet

Potjie

Kom ons bak ‘n broodjie my Darling

2010-07-14T20:59:00.004+02:00

Ek het vroeër die week op my Engelse blog geskryf van Darling Breweries, ek dink toe so by myself, met Darling wat so binne die Swartland lê, wat van 'n broodjie bak met die natuurlike verbroude bier.

Almal ken bierbrood, maar ek het gevoel daar moet so bietjie meer moeite gedoen word met die broodjie, die kits geen knie broode het so half koekerige tekstuur waaraan het nie lekker vat kan kry nie, so hier is my resep.

1Kg witbrood meel

550ml Darling Brew

10ml sout

½ teelepel bakpoeier

Begin met so 800g van die koekmeel, voeg die sout en bakpoeier by en meng goed. Voeg die bier by en meng, voeg bietjie bietjie die res van die meel by tot die mengsel nie te nat is nie. Knie die deeg goed en bêre op 'n warm plek om te rys. Die deeg gaan nie heeltemal rys soos brood wat met suurdeeg gebak word nie. Knie die deeg af en bak teen 180° vir 'n uur, toets vir gereedheid, geniet met vars botter.

Lekker eet
Potjie

Ryskonkoksie – verlangs familie van paella

2010-07-13T20:02:00.006+02:00

Paella in sy oorspronklike vorm het nie noodwendig enige seekos in die gereg nie, afhangende van waar in Spanje die gereg gemaak word sal hoender of skulp vis gebruik word, in die suid kus word haas tradisioneel gebruik, maar hierdie eenvoudige geregte was nie "fensie" genoeg beskou vir die restaurante wat op die toerisme mark ingestel is nie, en die paella met al die seekos soos ons dit meestal vandag ken is gebore.

Die enigste rede hoekom ek sê dat my gereg verlangs familie is van paella is omdat dit soos paella grootliks 'n rys gereg is, en chorizo, ertjies en saffron bevat, bestandele wat gewoonlik met paella geassosieer word, maar anders as paella gebruik ek klaar gaar rys, want daar is gewoonlik oorskiet rys in die yskas.

Kry al jou bestandel gereed.

1 rooi ui fyn gekap

1 groen soet rissie in repies gesny

1 geel soet rissie in repies gesny

1 rissie ontpit en fun gesny

30cm stuk chorizo in skywe gesny

4 stukke vark repe in stukke gesny

4 ontbeende hoender dye in stukke gesny

Oorskiet rys

Ertjies, so handvol

0.1g Saffron in 'n bietjie water geweek

1 410g blik tamaties

Sap van een suurlemoen

Olyf olie

Sout en peper na smaak

Verhit bietjie olyf olie in 'n pan wat groot genoeg gaan wees om al bogenoemde bestandele te huisves. Braai die chorizo tot die vet begin uitbraai, voeg die vark by en braai tot al die vark verkleur het, voeg dan die hoender by en braai tot die hoender verkleur is, voeg die uie, soet rissies en rissie by en braai tot sag. Voeg die rys by en meng goed deur, voeg die tamaties en saffron water by, laat goed deurkook, voeg dan die ertjies by en verit tot alles goed warm en gaar is, geur met suurlemoen sap en sout en swart peper.

Lekker eet

Potjie

Tietiesbaai, die tieties van Paternoster

2010-07-13T12:10:00.003+02:00

Daars twee stories oor hoe Tietiesbaai sy naam gekry het, die eerste is dat daar 'n Hottentots kaptein in die area gewoon het met die naam Tieties en die baai is na hom vernoem, die ander storie het te doen met die twee koppies wat baie lyk soos 'n sekere gedeelte van 'n vrou se lyf, as jy weer in daai area is, kyk na die koppies en besluit self watter storie jy wil glo.

Die een ding waaroor daar nie in die area gestry word nie is dat dit kreef wêreld is, vis ook, maar veral kreef. Oral sal jy kreef smouse (smokkelaars) op Paternoster vind, die prys van kreef word bepaal deur die weer (kan daar kreef getrek word) en die hoeveelheid GP karre in die dorp, as jy die kans gaan vat om met die manne besigheid te doen en jy bestuur 'n kar met GP nommerplate of iets wat lyk of jy van die groot dorp af kom (CA byvoorbeeld) begin jou prys so 10 of R20 hoër as die res van die wêreld. Maar pasop om besigheid te doen met die manne, jy is besig om aan die verkeerde kant van die wet te beweeg, hulle sal jou vertel dat die polisie worry nie oor hulle nie, hulle is te besig met die "klonkies" wat inbreek, maar wet is wet, so wees gewaarsku.

Op my engelse blog vertel ek meer van my naweek aan die weskus.

Lekker eet

Potjie

Drink 'n Bier by Darling

2010-07-12T10:02:00.004+02:00

Ek het laas week genoem van twee verrassings by die Vars Produkte Mark in Stellenbosh en belowe ek sal vertel van Darling Breweries op 'n volgende geleendheid. Volg die link deur te kliek op die Darling Brewery prentjie om te storie van bier in Darling te Lees.

Gesondheid

Potjie

Thai Vark Tjops met geroosterde groente

2010-07-08T21:05:00.003+02:00

Marineer die vark in die volgende (genoeg vir 4 tjops) vir 1 tot 2 ure

2 huisies knoffel fyn gekap

1 eetlepel suiker

1 eetlepel vis sous

2 eetlepels soya sous

1 eetlepel sesame olie

1 eetlepel droë sherry

1 medium ui fyn gekap

2 spruite "lemon grass"

Braai die tjops oor die kole of onder jou oond rooster, ongeveer 6 minute per kant, bedien met geroosterde groente.

Lekker eet

Potjie

Die varste terleurstelling van die vars produkte mark, en die beste verrasing

2010-07-07T20:31:00.003+02:00

Laas week kry ek 'n e-pos wat dit uitbasuin dat gedurende die wynfees op Stellenbosh die "Fresh Goods Market" elke dag van die fees van 11H00 tot 21H00 sal oop wees, met al die gewone stalletjies en nog baie meer. As ek geweet het waar om mense vir vals advertensie aan te kla dan het ek, want al die gewone Saterdag mense was defnitief nie Vrydag aand daar nie, die een rede waarom ek gegaan het was om my yskas weer bietjie te vul met Rudi's Sausage Deli se wors, maar daar was geen teken van hulle nie, ook van baie van die ander mense wat gewoonlik Saterdae op die mark is was daar geen teken nie, maar ek het twee groot plesiere op die fees raak geloop. Die een was Darling Brewery, waarvan ek meer op 'n ander dag sal sê, die ander is Lovane Boutique Wine Estate

Ons het verskeie van Lovane se wyn geproe waarvan ons twee gekoop het vir 'n spesiale ete wat ons met vriende gehad het, die eerste was hulle Methode Cap Classique 2007, in my beskeie opinie kan dit met enige van ons Cap Classique's meeding, en die tweede wyn wat ons gekoop het was hulle Summer Mist 2009, 'n witwyn gemaak van rooi druiwe (87% Cabernet Saivignon, 8% Petit Verdit en 8% Cabernet Franc) en wat 'n interresante wyn, die reuk ongelooflik, en die smaak selfs beter, ek is nie 'n vreeslike witwyn drinker nie, maar die wyn het my bekeer na witwyn drink.

Besoek gerus hulle webwerf vir meer inligting, of selfs beter besoek die plaas, hulle is op die M12 reg langs Neetlingshof.

Lekker drink
Potjie

Hoender sosaties met peanut sous

2010-07-01T20:17:00.007+02:00

Hierdie is nog een van die Thai resepte wat ek in my 3 vir R99.00 boeke gekry het.

Volgens die boek is dit genoeg vir 4 mense, of die Thaiwanese eet baie minder as ek, of hulle het 'n klomp bygeregte gemaak, die laaste moontlikheid is dat hulle hoenders baie groter as ons s'n is.

Bestandele:

4 ontbeende hoender borsies sonder vel

Vir die marinade:

2 huisies knoffel fyn gekap

2.5 cm vars gemmer fyn gerasper

10ml vis sous

30ml ligte soya sous (light soy sauce)

15ml heuning

Vir die peanut sous:

6 eetlepels "crunchy" peanut butter

1 rooi chillie ontpit en fyn gekap

Sap van een lemmetjie

4 eetlepels coconut melk (ek gebruik omtrent dubbel dit, ander vind ek die sous te dik, en te suur)

Sout

Eerstens maak die peanut sous deur al die bestandele saam te voeg in 'n voedsel verwerker, proe en voeg sout na smaak by, maak toe met "clingwrap" tot benodig.

Sny elke hoender borsie in die lengte af in 4 gelyke dele, meng al die bestandele van die marinade en meng met die hoender, maak seker dat al die hoender goed bedek is, marineer vir ten minste 30 minute.

Ryg die hoender op sosatie stokkies, een per stokkie, braai op medium hitte tot net gaar, en bedien met die peanut sous.

Lekker eet
Potjie

‘n “Parcel” en ‘n “drink”

2010-06-29T19:57:00.003+02:00

Dis wat ek nou net vir aand ete gehad het, 'n parcel en 'n drink, en dis drink soos in engels uitgespreek, om meer spesifiek te wees, 'n hake parcel, jy kry ook 'n snoek parcel, en ek is seker daar is vele ander parcels in die wêreld, maar as jy in die Kaap woon is daar net twee soorte parcels, hake of snoek, altwee kom met tjips, en 'n "drink" is 'n gas koeldrank, iets soos coke of fanta orange, lemoensap is juice, dis nie 'n drink nie, dis juice, dis hoe dit is hier in die Kaap.

Foto van http://www.freefoto.com

Wanneer die fabriek werkers later as 19:00 werk, koop ons hier waar ek werk vir die manne kos, en die twee goed wat gewoonlik georder word is of 'n "streetwise three" of 'n parcel, so nou en dan bestel 2 manne saam 'n heel hoender van Pick & Pay, dan is daar genoeg geld nog vir 'n katkop, jy weet nie wat 'n katkop is nie? Nou hoe nou, dis 'n halwe witbrood man, wat het jy nou gedink is dit, dit raak eers 'n bunny chow as dit uitgehol word en kerrie mince ingesit word, of as tjips en weense worsies die binnekant van 'n katkop find dan is dit 'n Gatsby, dis hoe dinge hier werk, en dis hoe ek vanaand met 'n parcel en 'n drink vir aandete opgeeindig het.

Lekker eet

Potjie

Vark en “sticky” rys balle

2010-06-28T20:58:00.004+02:00

Eerstens jammer vir my halwe Engelse opskrif, maar klouerige rys balle klink nie heeltemal lekker nie, taai is ook nie sticky nie, so ek bly maar by sticky.

Jy benodig

450 vark maalvleis
1 eier
15ml meel
4 spriet uie gekap
2 eetlepels gekapte Koljander blare
2 eetlepels vis sous
Vars gemaalde swart peper
225g gekookte sticky rice

Voeg die vark, eier, meel, spriet uie en koljander blare by mekaar en meng goed, geur met die vis sous en vars gemaalde swart peper.

Sprei die rys op 'n plat oppervlakte en skep teelepels vol van die vark mengsel bo op. Maak jou hande klam, vorm die rys rondom die maalvleis om balletjies te vorm. Stoom vir omtrent 10 minute in 'n bamboes stoom mandjie.

Sit voor met soet chilli sous .

Die balle kan ook gediepbraai word, maar maak seker dat die balletjies klein is as jy dit gaan doen, anders gaan die vark nog rou wees en die rys verbrand.

Lekker eet
Potjie

Die eerste keer

2010-06-27T17:15:00.003+02:00

Onthou jy nog die eerste keer toe jy jou gunstelling wyn geproe het, of die eerste keer toe jy in jou gunsteling restaurant geëet het, as jy nou daar sit en vir jouself sê, "shit nee, ek het nie 'n clue nie" dan is jy nie veel verskillend van die res van ons nie, ons is geneig om goed soos dit te vergeet, ook om die allerdaags mooi rondom ons mis te kyk, en as jy nou wonder waar val ek nou skielik uit, laat ek jou vertel.

Vandag ry ek tussen Malmesbury en Durbanville, die wêreld is grasgroen, en plek plek blom die varkblomme al, in die verte staan Tafelberg sonder 'n wolkie in sig in al sy glorie, en my gedagtes is by 'n vriendin wat nie meer hier woon nie, maar nou hier was vir 'n begrafnis, en skielik wonder ek hoe lyk dit deur haar oë, iemand wat hiermee groot geword het, maar dit nie elke dag meer sien nie. Om die mooi rondom ons raak te sien het ons soms nodig vir iemand anders om ons oë weer oop te maak, 'n vriend van oorseë wat vir die eerste keer kom kuier, of iemand wat lank laas hier was wat weer in verwondering na die varkblomme kyk, of weer kan liries raak oor 'n bottel Kaapse Vonkel, of soos my suster twee jaar terug, gewoonlik eet sy soos 'n voëltjie, maar sy kon nie ophou eet aan die waterblommetjie bredie nie, nie die tiepe van ding wat jy sommer in Vancouver raakloop nie.

As volgende keer daai bottel gunsteling wyn oopmaak, proe dit regtig, rol dit in jou mond rond soos daai eerste keer, onthou die mense wat dit saam met jou geniet het, en drink enetjie op hulle, ek gaan.

Lekker eet
Potjie

Die stress van ‘n verkoopte Lucy’s

2010-06-24T14:46:00.007+02:00

Volgens WikiAnswers is die 10 mees stressvolle lewens ondervindings die volgende.

Skei / opbreek van verhouding
Om beroof te word
Werk verloor
Trou reëlings
Werk
Kinders / Familie
Skuld
Pendel
Studeer vir eksamen
Verwag van baba

Ek is seker dat al hierdie ondervindings baie stressvol is, maar êrens het iemand iets gemis, want sweerlik waar moet die verkoop van jou gunsteling wegneem ete winkel ten minste 'n plekkie onder die top 10 kry, en ek sou dink ten minste onder die top 3.

Lucy's was vir jare die plek waar ek my middag etes bestel het, en tot vandag toe nog steeds gedoen het, maar so paar maande terug het Lucy die winkel verkoop aan een of ander Koos, en teen 'n nie te stadige pas is die gehalte van die kos besig om in die verkeerde rigting te beweeg.

Die tjips proe of dit in die mikrogolfoond warm gemaak word, die burgers en my dagboek se voorblad proe dieselfde, en my gunsteling, die maalvleis Kerrie is van alle smaak beroof, die speserye wat hy uit Lucy se resep laat kan hom sekerlik nie soveel geld spaar nie, maar is besig om my bloeddruk die hoogte in te jaag.

Ek het nou al die nuwe eienaar laat weet wat ek met sy tjips gaan maak as hy weer vir my opgewarmde tjips stuur, maar blykbaar het die man een of ander perverse fetish, want hy steur hom nie aan my nie, vandag het ek vir die laaste maal op 'n wonderwerk gehoop, en weer eens kos by die @$%&*% bestel, en weereens die vaal smaaklose &@& gekry, nou is ek klaar, ek ontrek my uit die hoofstroom ekonomie, en sal nou maar my eie kos werk toe bring, as die area se ekonomie nou in duie stort was ek my hande in onskuld, ek het my bes probeer.

Nou vertel WikiAnswers vir my dat dit meer stresvol is om te pendel as om skielik 'n stuk karton vir middagete te kry, of om 'n troukoek te bestel is meer stresvol as om vaal smaaklose Kerrie te eet, of dat jou huis paaiement drie maande agterstallig is, is erger as mikrogolf opgewarmde tjips, snert man, dis die absolute top punt van stres om jou wegneem kafee te verloor, wag laat ek gou 'n valium vat.

Lekker eet

Potjie

Blaas Jou Vuvuzela

2010-06-23T16:20:00.000+02:00

Woeste Wilde Afrika

2010-06-23T14:56:00.001+02:00

Funny FIFA 2010 World Cup questions

Q Does it ever get windy in South Africa ? I have never seen it rain on TV, so how do the plants grow? (UK)
A: We import all plants fully grown and then just sit around watching them die.

Q: Will I be able to see elephants in the street? (USA)
A: Depends how much you've been drinking.

Q: I want to walk from Durban to Cape Town - can I follow the railroad tracks? (Sweden)
A: Sure, its only two thousand kilometres take lots of water...

Q: Is it safe to run around in the bushes in South Africa ? (Sweden)
A: So its true what they say about Swedes...

Q: Are there any ATMs (cash machines) in South Africa ? Can you send me a list of them in JHB, Cape Town, Knysna and Jeffreys Bay? (UK)
A: What did your last slave die of?

Q: Can you give me some information about Koala Bear racing in South Africa? (USA)
A: Aus-tra-lia is that big island in the middle of the pacific. A-fri-ca is the big triangle shaped continent south of Europe which does not...oh forget it. Sure, the Koala Bear racing is every Tuesday night in Hillbrow. Come naked.

Q: Which direction is north in South Africa ? (USA)
A: Face south and then turn 90 degrees. Contact us when you get here and well send the rest of the directions.

Q: Can I bring cutlery into South Africa ? (UK)
A: Why? Just use your fingers like we do.

Q: Can you send me the Vienna Boys Choir schedule? (USA)
A: Aus-tri-a is that quaint little country bordering Ger-man-y, which is...oh forget it. Sure, the Vienna Boys Choir plays every Tuesday night in Hillbrow, come naked.

Q: Do you have perfume in South Africa ? (France)
A: No, WE don t stink.

Q: I have developed a new product that is the fountain of youth. Can you tell me where I can sell it in South Africa ? (USA)
A: Anywhere where a significant number of Americans gather

Q: Can you tell me the regions in South Africa where the female population is smaller than the male population? (Italy)
A: Yes, gay nightclubs.

Q: Do you celebrate Christmas in South Africa ? (France)
A: Only at Christmas.

Q: Are there killer bees in South Africa ? (Germany)
A: Not yet, but for you, we ' ll import them.

Q: Are there supermarkets in Cape Town and is milk available all year round?
A: No, we are a peaceful civilisation of vegan hunter-gatherers. Milk is illegal.

Q: Please send a list of all doctors in South Africa who can dispense rattlesnake serum. (USA)
A: Rattlesnakes live in A-meri-ca, which is where YOU come from. All South African snakes are perfectly harmless, can be safely handled and make good pets.

Q: I was in South Africa in 1969, and I want to contact the girl I dated while I was staying in Hillbrow. Can you help? (USA)
A: Yes, but you will probably still have to pay her by the hour.

Q: Will I be able to speek English most places I go? (USA)
A: Yes, but you'll have to learn it first.

Verneuk frikkadelle

2010-06-21T12:30:00.006+02:00

Op 'n stadium het ek wors gemaak wat ek te styf gestop het, en aangesien die speserye toe in elk geval al by die vleis was, het ek besluit dis 'n goeie idée om dit vir frikkadelle te gebruik, al wat jy hoe by te voeg is fyngekapte uie en eier.

Pangebraaide frikkadelle

Neem wors wat lekker gespesery is, verwyder die derm en breek die vleis op met 'n vurk. Kap een of twee uie afhangende van die hoeveelheid vleis fyn en meng deur die vleis, voeg een of twee eiers by en meng goed, vorm in frikkadelle en maak gaar. As jy voel die vleis bind nie goed genoeg nie, neem 'n sny witbrood, week dit in melk, verwyder die korsie, en meng met die vleismengsel.

Frikkadel sosaties

Die frikkadelle kan in die pan gebraai word, of op sosatiestokkies ala Zabwan gesit word en oor die kole gebraai word, of in 'n lekker tamatiesous gaargemaak word saam met pasta, drie maniere on vinnig kos te maak met wors, en niemand hoef te weet hulle eet eintlik wors nie.

Frikkadelle in tamatiesous, lekker saam met pasta

Lekker verneuk, ek meen eet.

Potjie

Visaftreksel en vissop

2010-06-20T18:34:00.005+02:00

Sommige goed is eenvoudig net makliker om klaar te koop as om dit self te maak, ongelukkig is visaftreksel nie algemeen verkrygbaar nie, daarom is dit 'n goeie idee om die viskoppe en grate te hou as jy jou vis fillet, of dit laat doen, gebruik dit om jou eie vis aftreksel te maak.

Gooi die koppe en grate en al die stukkies wat jy nie gaan gebruik nie in 'n pot (onthou om die kiewe uit te haal voor jy die kop gebruik) sny een ui en twee of drie knoffel huisies, 'n handvol seldery en twee of drie wortels in stukke en gooi by, maal bietjie swart peper bo oor en gooi so drie of vier druppels vissous by, vul water by to alles bedek is, die water moet ten minste so sentimeter of twee bo alles wees. Bring tot kookpunt en kook tot die vis koppe heeltemal uitmekaar is en al die vis tussen die grate uit gekook het. Gooi deur 'n sif, gooi weg die grate en groente en hou die aftreksel tot jy dit nodig het, byvoorbeeld vir die sop hieronder, vries die res in plastiek sakkies tot jy dit benodig.

Jy benodig:

1 ui fyn gekap
2 huisies knoffel fyn gekap
1 blikkie gekapte tamaties
1 1/2 koppie vis aftreksel
1/2 koppie wit wyn
250 gram vis fillette in blokkies gesny
1 suurlemoen
swart peper
olyfolie
pietersiel fyn gekap
mayonnaise
dun gesnyde Franse broodjies gerooster

(Bogenoemde neem in aanmerking dat jy die visaftreksel soos hierbo beskryf gaan gebruik, daarom benodig jy nie meer sout nie)

Druk die sap van die suurlemoen oor die vis en meng goed, marineer tot benodig.

Braai uie in bietjie olyf olie tot sag, voeg dan die knoffel by en braai vir 'n minuut of twee. Voeg die tamaties by, en bring tot kookpunt, voeg die wyn en aftreksel by en bring tot kookpunt, verlaag die hitte en prut vir so halfuur. Haal van die hitte af, gebruik 'n hand "blender" om die sop te verpulp, sit terug op die hitte en prut vir nog 15 minute. Voeg die vis by en simmer vir so 10 minute tot die vis gaar is, geur met swart peper. Bedien met die geroosterde broodjies met 'n skeppie mayonnaise op en garneer met fyngekapte pietersielie.

Lekker eet
Potjie

Volstruis burger met roket

2010-06-17T20:51:00.003+02:00

Laas week drentel ek tussen die vleis rake rond by my plaaslike supermark en daar merk ek die pakkie volstruis "patties" op, en die volgende oomblik is dit binne in my mandjie, toe begin die planne in my kop vorm aanneem. Roket, tamatie, kaas en Woolies se "Heat and Eat" brood rolletjies, en die plan word 'n ete.

Sit die oond op 180°, wanneer die oond die hitte bereik, sit die "Heat and eat" broodjies in die oond vir 6 minute. Intussen maak 'n riffel pan rook warm, smeer bietjie olyf olie oor die volstruis "patties" en braai vinnig in die riffel pan tot die gaarheid wat jy verkies, maar moet tog nie oorgaar maak nie.

Smeer botter op die broodjie, sit 'n klompie roket blare bo op, dan tamatie, geur met sout en peper, miskien 'n stukkie chedder en dan die volstruis pattie, maak toe die broodjie en maak jou mond wyd oop en neem 'n byt, lekker, lekker, lekker.

Geniet saam met 'n glas of twee van KWV se Café Pinotage, die het op min of meer dieselfde manier in my mandjie beland as die volstruis.

Lekker eet

Potjie

Hou by jou voorneme

2010-06-15T19:44:00.004+02:00

Ek het my voorgeneem om nie soos omtrent elke ander kos blogger hierdie hele world cup kos ding te doen nie, ek het 'n vermoede mense is besig om net so gatvol daarvan te word as sommige mense vir die geluid van 'n vuvuzela, daarom het ek gesê dat ek net Suid Afrika ondersteun, en daarom gaan ek net braai.

Party keer word jou beste voorneme onder druk geplaas, en met die snerpende koue van die laaste paar dae in die Kaap is dit maar moeilik om te braai as jy nie 'n binne braai het nie, maar afneem van my voornemens, nimmer as te nooit nie, daarom is daar die waterbraaitjie, so paar worsie, 'n paar tjoppe en dan maak die braaitjie sommer nog lekker warm ook, nou moet Bafana net Uruguay se gat skop more aand.

Lekker eet
Potjie

Suid Afrika Kook - Geen woorde nodig

2010-06-14T08:51:00.003+02:00

Sal binnekort weer oor kos skryf, vir nou loop ek oor van trots om 'n Suid Afrikaner te wees!

+Potjie

SPORT NAWEEK GALORE

2010-06-11T10:19:00.001+02:00

Go Bafana go

Go Bokke go

Ek is oppad Langebaan toe vir golf speel, sokker kyk, golf speel, rugby kyk, golf speel en braai.

Potjie

My kos voorneme vir die sokker wereld beker

2010-06-08T21:13:00.008+02:00

Al wat 'n restaurant en kos blogger is, het idees vir geregte uit die verskillende lande wat aan die wereld beker deel neem.

Ongeag wat mense mag se van Bafaba Bafana se kanse sal ek hulle end uit ondersteun, en nie net met vuvezela en die nasionale vlag nie, maar ook met my keuse van geregte.

In regte Suid Afrikaanse styl gaan ek dus regdeur die wereldbeker braai om my opregte steun aan Suid Afrika te wys, geen uitheemse geregte vir my nie.

Go Bafana Bafana go

Lekker eet

Potjie

Maak yskas skoon, maak sop

2010-06-07T20:02:00.006+02:00

Ek kan sop resepte skryf tot die berge horings kry, maar die werklikheid is dat my sop resep word bepaal deur wat in die yskas en groente rak is.

Die meeste van die tyd sal ek begin deur bees skenkels te kook saam met 'n ui, worcestershire sous, knoffel, peper en seldery tot die vleis van die been af los kom, dan voeg ek my groente by.

Gister aand het die groente bestaan uit, preie (leeks), aartappels, wortels, uie, celdery en sampioene, voeg daarby bietjie bees aftreksel poeier, sout, peper, franse kruie en sommer vir die lekkerte 'n skoot Old Brown Sherry, en siedaar ons het aand ete.

Rooster dun gesnyde franse broodjies en plaas bo op sop met 'n skep mayonnaise bo op die broodjie.

Lekker eet

Potjie

Room kaas gevulde rissies

2010-06-06T19:23:00.004+02:00

Jy kry chillie poppers en dan kry jy chillie poppers, die eerste tiepe is daai deeg gedroggies wat jy wonder of daar ooit chillie in is, en hoekom iemand sulke droe goed sal wil eet, en dan is daar chillie poppers met regte vars chillies en room kaas, nou dit is die tiepe waarvan ek vandag praat, van nou af sal ek mooi Afrikaans gebruik en die chillies rissies noem.

Jy het nodig

Genoeg rissies om almal tevrede te hou (jalepeno rissies werk goed)
Genoeg roomkaas om die rissies te vul
Geklitsre eier
Meel
Broodkrummels
Olie vir diep braai

Dan maak jy so:

Maak 'n sny in die lengte van die rissie af, en verwyder al die pitte, en maak seker almal is uit as jy nie wil sit met groot bekbrand nie. Vul die rissies met roomkaas, rol in meel, dan in eier en dan in broodkrummels.Braai in diep olie tot die krummels goud bruin is, as jy al die pitte uitgehaal het behoort jou mond nie te veel te brand nie.

Lekker eet
Potjie

Rudi’s se zef nefie

2010-06-02T21:04:00.003+02:00

Valiant Swart het 'n song wat sê "Die meeste mense is maar lekker zef", Kerneels Breytenbach het in verlede sondag se Rapport 'n artikel gehad Wie's jou zef, china?, en in die splinter nuwe Sarie Kos vir Mans het Neil Pendock 'n artikel "Skink 'n Sopie Zef: waarin hy onder meer die Swartland as die zef nefie van Franshoek voorstel, wat my nou laat wonder het of die Fruit and Veg by Willowbridge dalk die zef nefie van Rudi's Sausage Deli is.

Vir almal wat die blog vir 'n lang ruk lees sal weet dat ek Rudi's Sausage Deli se no1 aanhanger is, maar tussen Saterdae wat ek kan Slowfood Market toe gaan is daar die Fruit and Veg waar ek vark worsies met peppadews en bees met rooiwyn en cranberries of 'n stukkie sosatie works kan gaan koop, en die lekkerste van alles is dat jy jou nie eers hoef te skaam vir die zef nefie nie.

Waar baie van die upstairs nefie se worse by uitstek geskik is vir gebruik in disse soos pasta of bredies (hulle het ook boerewors) is die zef nefie se wors van die braai tiepe, kole is waar hulle op hulle tuiste is, wat natuurlik beteken dat ek en die zef nefie baie goeie vriende geword het in die laaste tyd, en waag dit nou net om te sé, soort soek soort.

Lekker eet
Potjie

Om te braai vir twee

2010-06-02T08:21:00.002+02:00

Na jare van braai het ek nog nooit geleer hoe om vir twee mense te braai nie, en al braai ek 4 of 5 keer 'n week, voel dit altyd vir my of 'n braai 'n feestelike samesyn van vriende behoort te wees, en my vleis aankoope weerspieël die gevoel.

Gisteraand maak ons so vinnige braai'tjie dit was darm 26˚C so in die middel van die winter koue, op die braai beland toe 'n lams ribbetjie, lam tjoppies, vark wors met peppadews en beeswors met cranberries asook hoender vlerkies en braai broodjies, genoeg vir 'n gesin van 6, maar bietjie te veel vir my en liefie, dit beteken natuurlik dat ek die res van die week braai vleis eet.

Terwyl ek die vleis staan en bewerk gisteraand, dink ek so by myself, miskien moet ek iets flambojants aanvang met die vleis, ter wille van die blog, jy weet, die braai so bietjie Nataniël, maar ek kon dit nie oor my hart kry om die smaak van vleis te verwoes nie, so weer eens was dit net sout en peper op die tjoppe, die rib het darm so bietjie Worchestire sous gekry, en met die hoender was ek roekeloos, toe gooi ek Portegese Hoender Spesery op hulle.

Saam met al die vleise moet 'n man darm 'n glasie of twee rooiwyn neem, en gisteraand se Graeme Beck Railway red was glad nie sleg nie, inteendeel heel lekker.

Lekker eet

Potjie

'n Sarie vir die Manne

2010-06-01T10:16:00.002+02:00

Ek kan nog onthou hoe opgewonde ek was toe ek die eerste keer Sarie Kos op die winkel rakke gesien het, uiteindelik, 'n kook tydskrif in die soetste taal, maar Vrydag was nog beter, toe het ek die splinter nuwe Sarie Kos vir Mans gekoop.

'n Kook tydskrif in Afrikaans vir mans, wat kan 'n man nou meer vra, (dit was 'n retoriese vraag, so moet asb nie andwoord nie)

Die manne mag maar skryf en kook, maar moet aseblief nie my woord daarvoor vat nie, gaan koop hom self, vandag nog.

Lekker lees

Potjie

Naweek

2010-05-21T12:24:00.001+02:00

Naweek by potjie

Groentesop met hoender aftreksel

2010-05-20T18:59:00.002+02:00

So gereeld gooi ons eenvoudig die karkas van 'n oondgebraaide hoeder weg, maar hoekom nie hoender aftreksel kook nie, Maandag aand het ek twee hoenders in die oond gebraai en Dinsdag aand het ek die karkasse en al die beentjie wat oorgebly het saam met uie, knoffel roosmaryn en wortel saam met water gekook tot 'n lekker aftreksel. Gooi deur 'n sif en hou tot nodig.

Vanaand het ek die yskas gestroop van alle bietjies groente; wortels, aartappels, kool,uie en sommer die bietjie pasta wat oorgebly het, sout en peper en natuurlik Worcestershire souse en 'n opgehoopte teelepel tarragon. Voeg alles by die hoender aftreksel en kook tot sag, en die geure goed gemeng het.

Bedien met croutons

Lekker eet

Potjie

Nag Oom Japie – Lekker Rus

2010-05-18T12:45:00.005+02:00

Een aand sit ek en Karl en Ooms Japie en Eugene daar by Oom Eugene se braai met sy uitsig op die ys koue waters van die weskus en maak groot planne vir 'n aand waar oom Japie sy beroemde afval pot gaan maak, en ek my haas pot. Dit was drie miskien vier jaar terug, intussen het ons saam kreef gekook en wyn gedrink, maar die potte het nooit gebeur nie, dit sal ook nooit nie, want oom Japie is Maandag oorlede, en ons kans vir saam pot maak is vir ewig verby.

Oom Japie Lings en Oom Eugene Regs.

Ons almal wat oom Japie geken het sal hom met 'n glimlag onthou, en 'n traan knip ondat ons hom mis. Die volgende pot is vir jou oom Japie, lekker rus.

Potjie

St Helenabaai

2010-05-16T11:54:00.004+02:00

Indien julle St Helenabaai op Pasella gemis het laas week, hier is die video, en kyk mooi hoe 'n gebraaide snoek moet lyk.

Lekker eet

Potjie

Biltong en Kaas

2010-05-14T08:18:00.003+02:00

'n Tyd gelede het ek 'n brief geskryf na aanleiding van 'n artikel in die tydskrif van die Rapport oor potjiekos. In die artikel word daar onder andere gepraat van 'n biltong en kaas potjie.

Indien jy dalk gedink het dat die skrywer het die kombinasie uitgedink om sy punt te bewys besoek gerus http://networkedblogs.com/3OIB6 , die selfde pot is 'n inskrywing in 'n kompetisie om Suid Afrikaanse kos aan die wereld te vertoon.

Op hierdie noot gaan ek nou afsluit, besluit self wat julle van die pot dink, en voel vry om jou mening te lig.

Lekker eet

Potjie

St Helenabaai

2010-05-11T21:44:00.002+02:00

So entjie voor jy die dorpie St Helana Baai kry as jy van die Kaapse kant af kom lê Brandhuis aan jou regterkant, dis daar waar tannie Annemarie en oom Eugene Sieber woon, nie 'n huis wat jy maklik verlaat as jy daar ingeloop het nie, nog enetjie is 'n gewilde woord in daai huis, miskien so effens meer gewild by die oom as by die tannie, maar laat ons nou nie hare kloof nie. Woensdag aand 12 Mei 2010 kan julle wat in Suid Afrika woon almal vir Eugene Sieber ontmoed, skakel net in op Passela op SABC2, 'n lekker stuk oor St Helanabaai, en wie anders as onse eie oom Eugene is voor in die koor.

Die volgende stuk is 'n uittreksel uit 'n blog inskrywing van laasjaar, waar oom Eugene my vertel het van sy veldkool.

"Ou Berra, ek sit nou hier op die stoep en drink 'n rosé'tjie, my pens hang tussen my knieё, want ek het my nou liederlik ooreet. Jy sien, nou die dag stap ek en Annamarie en die kat af see toe, en ek sien sommer hier tussen my huis en die see groei die veldkool en ek begin pluk en ek sê vir Annamarie om 'n sak in die huis te loop haal, en ek pluk 2 sakke vol, en toe loop ek daar by Tannie Betsie verby en gee vir haar een sak veldkool en ek hou vir my een sak. Die volgende oggend sê ek vir Annamarie om vir ons 'n lekker vet stukkie skaap by die slaghuis te koop, want jy het vet skaap nodig vir die veldkool. Toe ek vanaand 5 uur van die werk af kom, toe sny ek vir my 'n lekker klompie uie, en ek braai hulle in die olyf olie, en toe braai ek die vet skaap vleis saam met die uie tot lekker bruin en ek gooi bietjie water op en ek kook die spulletjie, en ou Barra, ek kook hulle nog en ek kook hulle nog. Toe die vleis lekker sag begin word, sit ek 'n paar aartappels by en so rukkie later die veldkool, maar eers het ek die veldkool lekker in soutwater laat lê, as daar dan goggatjies in is, dan klim hulle vinnig uit en jy het lekker skoon veldkool. Ek gooi toe 'n bossie surings by, wat ek vroeёr loop pluk het, ek sny hulle so in 2 of 3 stukke, jy weet mons man, daai surings met die geel blommetjies, ja ek gooi hulle sommer met blommetjies en al in, en ek gooi my speserye by en die spulletjie word 'n bredie soos jy nog nooit geeёt het nie. Ou Barra, om te dink die goed groei hier op my voorstoep en nou vir die eerste keer kook ek hulle self, dis lekkerder as enige iets wat jy in die winkel kan koop en ons mense ken dit nie (op die stadium hoor ek tannie Annamarie daar op die agtergrond maar ek kan nie lekker hoor wat sy sê nie). Annamarie vra nou vir my of ek 'n lemoen wil hê, maar ek sê vir haar, nee jong, ek het nie plek vir enige iets nie, ek sluk maar die volgeit met die rosé af."

Lekker eet

Potjie

Afval om die winter koue weg te jaag

2010-05-09T18:39:00.005+02:00

Dis koud, nat en grys in die Kaap, en ek het uiteindelik besef hoekom ek nie geseën is met 'n familie plaas nie. Boere bid vir reën, maar ek wens die reën weg, ek soek sonskyn, ek wil in 'n kortbroek en t-hemp met kaalvoete rondloop, ja ek hou van winterkos, maar ek eet liewer sop in die somer as wat ek die son nie vir 'n paar dae lank nie sien nie. Ek het groot geword in die koue nat winters van die Kaap, maar waar ek hier sit en tik met 'n lekker glasie port en die gehis van die gas verwarmer in die agtergrond wonder ek alreeds hoe op aarde ek more oggend uit die vere gaan kom.

Afval besig om te kook

Die een positiewe ding van die winter is dat almal skielik my liefde vir bredies en potjies deel, en Saterdag was dit 'n lekker Kerrie skaap afval potjie wat gestalte gekry het, amper lekker genoeg om die Stormers se vertoning van die naweek te vergeet, moet liewer nie dat ek begin praat oor invoer produkte van Fidji nie, sooibrand sal my voorland wees sowaar.

2 skaap pense, 6 skaap pootjies en 3 vark pootjies in 'n pot saam met uie, Kerrie speserye en 'n skoot rooiwyn, kyk so nou en dan of daar nog genoeg vloeistof in die pot is, indien nie gooi bietjie water by, as jy nie so 4 ure tyd het nie, los maar, of verkrag dit in 'n stoompot, maar tyd is al wat 'n skaappens sag kry, stadig prut terwyn jy 'n glasie of twee rooiwyn gebruik. So halfuur voor jy wil eet sny 'n paar aartappels by, en kook vir jou bietjie rys, noord van die Oranje rivier kan julle maar pap maak, dit sal ook werk.

Almal se mae is nou vol

Die winter voel sommer na 'n beter seisoen met so bord afval voor jou.

Lekker eet

Potjie.

Afrikaanse kos in Engels

2010-05-07T08:21:00.001+02:00

Ek het nie vandag veel om te sê nie, maar ek het 'n interresante artikel om julle na te verwys, dit begin wel met "The Afrikaners, much maligned and much criticized for the cruel mistakes of some of their ancestors are still alive and thriving and living in the Southern tip of Africa, South America, Patagonia, Mexico and more recently New Zealand, Australia and a few European countries." Maar daarna gee dit wel aandag aan tradisionele Afrikaanse kos, en 'n bietjie geskiedenis oor die Afrikaners.

Besoek gerus http://www.justfoodnow.com/2009/10/29/the-birth-of-afrikaans-food/ dit is heel interesant.

Geniet julle naweek

Lekker eet

Potjie

‘n Inkol om jou bly te maak.

2010-05-05T20:33:00.002+02:00

Dit is nie baie dat ek oor wyn skryf nie, maar soms kom 'n wyn oor jou pad wat jy vir almal oor wil vertel.

Die Cloof Inkspot 2007 Vin Noir is so 'n wyn, 'n wyn vir onder R50.00 wat John Platter 4 sterre gegee het. Die wyn is 'n versnit van 58% Pinotage, 34% Shiraz, 6% Cinsaut en 2% Cabernet Sauvignon, wat vir 15 maande in Franse eikehout vate verouder is. Die wyn met 'n 14% alkhol inhoud word van bos wingerde (bush vines) tipies van die Swartland gemaak. Dis die tegniese aspek, die belangrike aspek is die smaak, en glo nou vir my, gaan kry maar vir jou enetjie, jy sal teruggaan vir nog, ek het.

Die wyn gaan heerlik met die lewer en bees burgers wat ek vandag van op my Engelse blog geskryf het.

Besoek http://www.cloof.co.za/ vir meer inligting.

Lekker eet

Potjie

Dis net ‘n potjie

2010-05-04T18:54:00.004+02:00

Hoeveel van julle het nog een van die potjies, nee dis nie 'n Best Duty of Falkirk nie, dis 'n Defy drie been pot, so potjie kort 'n pot wat Emile Joubert sal trots maak. Vleis, vars groente en vars kruie en dis dit, niks uitheemse konkoksies nie, dis net soos dit gisteraand by my huis gebeur het.

Die eenvoud van die pot was doelbewus, want in skaamte moet ek erken dat na ek mooi gedink het oor Emile se Artikel in Sondag se Rapport, het ook ek begin struikel en pot sonde gepleeg deur weg te beweeg van dit wat 'n pot is, eenvoudige vars bestandele, daarom het my pot gisteraand slegs bestandele gehad wat ek vars uit my groente rak kon haal, en al daai stukkies lamsvleis vat man nie kan braai nie maar moet kook.

Ek het aartappels, patats en wortels gevind, saam met vars roosmaryn en sout en peper en 'n skeut rooiwyn het die lamsvleis 'n pot geword soos ons oumas en oupas dit geniet het, al wat ek kan sê is, dankie Emile.

Lekker eet
Potjie

‘n Generasie gaping in Kos

2010-05-03T20:36:00.002+02:00

Die ander dag praat ek met iemand skaars 10 jaar jonger as ek oor waterblommetjie bredie, en ons praat oor die byvoeging van suurlemoen en ek noem toe dat die tradisionele ding om by te sit egter suurings is nie suurlemoen nie. Ek kry toe so doffe kyk, "suurings, wats dit?" nou kyk, ek is nie oud genoeg dat ek regtig suurings in die veld gaan pluk het om kos te maak nie, maar as kinders het ons baie suurings geëet, dit het jou kieste op so hoop getrek, vandag is daar suur lekkergoed wurms wat daai werk aan die kinders se kieste doen, maar suurings, aikona, 10 jaar na my en ek beskou my nogself as bloedjonk weet mense nie wat suurings is nie, hoe is dit moontlik.

Toe ek mooi oor die storie dink besef ek toe hoe vinnig goed verander het, as ek met iemand 10 ouer as ek praat, het ons baie dieselfde ondervindings van die lewe, perlemoene waarvan die skulpe amper groot genoeg is om jou gesig in te was het ons uit geduik by Hangklip, groot rooi krewe by Tietiesbaai, en alikreukels op laagwater uitgehaal by Pearly Beach, alles sonder veel moeite, maar deesdae is perlemoen uithaal onwettig, krewe lyk na groterige krewels en alikreukels kry jy miskien op springety, anders moet jy maar vir dit ook duik.

Desembers by Swartvlei het ons strepies en steentjies en kolstertjies in die vlei gevang en dit net daar langs die water gebraai, vandag is daar kleur kaarte vir wat se vis jy veronderstel is om te eet en wat nie, ons nasionale vis die galjoen is taboe, op die rooi lys daai beste van die beste vis vir braai oor die kole, net sout en peper en miskien so blerts suurlemoen om die ergste vet te breek.

Hoe verduidelik jy vir iemand die smaak van 'n vis wat nou net gevang is, of die smaak van suurings by waterblommetjie bredie, my skryf talent laat dit nie toe nie, as ek jou dit nie kan laat proe nie, gaan jy nooit weet hoe dit smaak nie, en my liewe vriend, as jy dit nooit proe nie, het jy nog nooit die Kaap geproe nie.

Lekker eet

Potjie

‘n Ope brief aan Emile Joubert

2010-05-02T19:42:00.001+02:00

Agtergrond: Lees Emile Joubert se artikel "Op soek na die ware pot" in Sondag 2 Mei 2010 se Rapport tydskrif. Emile skryf dat ons geliefde potjiekos kultuur vinniger uitsterf as Afrikaanse volsinne en goeie Van der Merwe grappe. Hy blameer onder andere die feit dat mense probeer potjies maak wat Jamie Oliver of Nataniël (behoede my) se goedkeuring sal wegdra.

My brief aan Emile

Beste Emile

Alhoewel ek 100% saam met jou stem oor die agteruitgang van potjiekos in ons geliefde land moet ek jou daarop wys dat daar blaam te lê is by die mense wat juis die tradisie moet bewaar, die beoordelaars. Wanneer potjiekos kompetisies gewen word deur potte met kitsbestandele en volksvreemde goeters soos pasta as die hoof bestandeel van die pot, dan is die beoordelaars nie besig om hulle werk te doen nie, of hulle is agter die eerste beste uitheemse bos uit geskop, en gevra om te kom beoordeel, maar elke 2de naweek hoor ek van een of ander kits konkoksie wat 'n potjiekos kompetisie gewen het. Dan is daar die beoordelaars wat kyk na die mooi gedekte tafeltjies, en is daar rooiwyn saam met rooivleis bedien, en witwyn met witvleis, nee regtig, die vorige potjiekos kompetisie wat ek bygewoon het, het die beoordelaar dit as een van sy kriteria genoem, ek was onder die indruk dat die miete al lankal dood is, maar nee, 'n opgeleide shef wat aangestel is as 'n potjiekos kompetisie beoordelaar gebruik dit as die kriteria om 'n potjie te beoordeel!

Dit blyk al hoe meer dat die gedekte tafel en die blomme en die voorgereg (behoed my, voorgereg saam met potjie?) en die moeite wat gedoen is, is die bepalende faktor by beoordeling in plaas van die smaak van die potjie. Alles het begin met die lae teorie, alles moet in lae wees, en so bly, moet tog nie dat daar 'n wortel deurglip en tussen die aartappels beland nie, jy kan maar vergeet van wen, dis doodsonde. Ons oupas en oumas sal in hulle grafte omdraai as hulle moet weet dis die pad wat goue ou boerekos potjie geloop het, alles in mooi lae, bid jou aan.

Die einste laaste potjiekos kompetisie wat ek bygewoon het, het 'n beesstert pot gewen (ten minste regte vleis) maar die vleis was so taai dat hiënas sou sukkel om dit gekou te kry, maar daar was 'n mossel voorgereg (dit was seker die trekkers wat die pad langs die weskus opgevat het se nalatingskap) en 'n verbrande potbrood, ek sou eerlik waar daai brood weggegooi het as ek dit gebak het, maar al die moeite het die beoordelaar so beindruk dat hy dit laat wen het, nou vra ek jou, het die beoordelaar sy Afrikaner plig gedoen, of het hy bloot die potjiekos kompetisie genataniël.

Emile ek voel jou pyn met die biltong en kaas brigade, maar glo my vry, 'n paar van die potjiekos verkragtings het al kompetisies gewen, en al is die droom nog nie verlore nie, is sommige beoordelaars besig om die droom in 'n nagmerrie te verander.

Potjiekos is dood, lank lewe potjiekos.

Lekker eet

Potjie

Knoffel die vulgeriteit in die slaai van die lewe

2010-04-29T08:14:00.003+02:00

"Tomatoes and oregano make it Italian; wine and tarragon make it French. Sour cream makes it Russian; lemon and cinnamon make it Greek. Soy sauce makes it Chinese; garlic makes it good." - Alice May Brock

Photo courtesy of freefoto.com

Gisteraand het ons my skoonsus Christa se verjaarsdag saam met hulle gevier by 'n Italiaanse restaurant by die Grand West casino, en aangesien ek nie 'n restaurant kritikus is nie, is dit nie nodig om name te noem of oor elkeen se kos te skryf nie, nie dat ek enigsins iets slegs oor die restaurant wil skryf nie, in teendeel my pizza was heerlik, lekker dun basis, met fillet strips an soet rissies en rocket leaves met 'n garlic sous, en natuurlik so bietjie vars chillie na die tyd bygesit, afgesluk met 'n bottel rooiwyn.

Maar o wee, vanoggend is 'n ander storie, jy weet jy is in die moeilikheid as jy van knoffel begin droom, daai huisie kry almal voete en hande en met sulke klein spiesies val hulle jou heel nag aan, tot jy in die oggend wakker word in 'n wolk van knoffel. As jy jouself begin ruik na jy knoffel geëet het, dan weet jy, dalk was dit bietjie oorboord gaan, ek wonder nou of daai klein spiesies nie my vrou was, wat my geskop het om my gesig weg van haar af te draai nie.

Om mee aft e sluit: "Vulgarity is the garlic in the salad of life." - Cyril Connolly

Lekker eet

Potjie

Die gevare van koolsop

2010-04-27T18:58:00.004+02:00

So week terug vra my vrou ek moet weer koolsop maak, sy dink ons moet altwee op die koolsop dieëet gaan. Nou kyk, koolsop kook is een ding, om dag na dag koolsop te eet, en met die gevolge daarvan saam te leef is 'n heel ander ding. Die volgende is die bestandele waaruit die sop bestaan: 6 uie, seldery, kool, paprika, tamaties, eiervrug, zucchini, artisjokke, wortels, pietersielie. Soos jy kan sien is hier 'n paar bestandele wat gas met 'n substansie opbou in die menslike liggaam.

Sop is winterskos, en klaarblyklik is dit die rede hoekom vroulief met die plan nou voor die dag gekom het, maar hierin lê die groot probleem, in die winter slaap mens onder 'n dik duvet, en wat onder daai duvet gebeur word geheim gehou todat hy die volgende oggend opgelug word, en dan tref koolsop jou met 'n slag. Juis hierin lê die geheim van die dieëet, want as daai reuk jou vroegoggend so tussen die oë slaan, dan is jou eetlus vir ten minste 'n dag lank weg, wat natuurlik jou onder die indruk bring dat die sop jou 'n hele dag lank nie laat honger word nie, so die volgende aand is jy weer bereid om koolsop te eet, en dan begin die gas siklus weer van voor af.

As jy belang stel om die hele dieëet onder neus, ek meen oë te neem kan jy die volgende wenwerf besoek: http://www.muhakeme.net/af/lahana-diyeti-t12512.html.

Lekker eet

Potjie

Gelukkige verjaarsdag

2010-04-26T08:41:00.001+02:00

Wanneer ek verjaar is ek dae voor die tyd al opgewonde, ek nooi mense en spandeer ure om te besluit wat ek gaan kook of braai, en na die verjaarsdag is ek dood moeg na almal omgesien maar ek is mal daaroor, my vroulief aan die ander kant gee niks om vir haar verjaarsdag nie, sy nooi niemand nie, of ek vir haar 'n present gee of nie is een en dieselfde, ek was vanoggend baie meer opgewonde om vir haar, haar present te gee as wat sy was om dit te ontvang, sy kon my nog nie antwoord of ons enige mense gaan he vanaand waarvoor ek moet kook nie, nou hoe beplan 'n man 'n menu as jy nie eers weet of jy gaste het nie?

My vermoede is dat ek vanaand met 'n huis vol susters gaan sit wat klein sus kom geluk wens met haar verjaarsdag, wel ek hoop so, want ek is lus vir verjaar en myne is nog maande weg, so die skoon sussies beter vanaand opdaag, maar nou moet ek eers dink wat ek kan maak vanaand, want as niemand opdaag nie, moet dit tenminste goed vries, enige voorstelle?

Lekker eet

potjie

Snoek op die kole

2010-04-23T09:01:00.004+02:00

Elke man soen sy vrou op sy eie manier sê hulle, elke man braai ook op sy eie manier, hier in my huis maak on so as ons dalk 'n snoekie op die kole gaan gooi.

Eers die sous, botter, suurlemoen en appekooskonfyt, dis al. Die groot geheim is om die smaak reg te kry, die een moet nie die ander oordonder nie, onthou 'n vis moet drie keer swem, een keer in die see, een keer in botter en een keer in wyn, so net omdat jy gaan appelkoos konfyt gebruik, beteken dit nie jy kan die botter swem gedeelte skip nie, nee jy moet goed botter bysit by die sous, en asseblief tog, druk vars suurlemoene uit vir die sap, daai botteltjies is net vir nood, dan die konfyt, KOO se "Smooth Apricot Jam" word spesiaal gemaak om die sous meet te maak.

Sout en peper jou vis, oor medium kole sit die vis met die vleiskant na onder op die kole, net so minuut of twee, draai dan om, en dan eers smeer jy die eerste keer van die sous op, braai tot net gaar en smeer hom aanhoudend met die botter sous.

Geniet met vars brood en 'n glasie of twee witwyn

Lekker eet

Potjie

Snoek bakkie babelaas

2010-04-22T08:41:00.006+02:00

Gisteraand stop ek langs die pad om snoek te koop om te rook vir my gerookte viskoekie en droë apelkose op 'n patat koekie dis. Daar staan so 4 bakkies met vis, en almal baklei vir jou aandag, maar manne en manninne soos Pieter Pieters altyd gesê het, van die manne is so dronk dat ek bang is hulle sny hulle vingers af as hulle die snoek vlek, toe koop ek maar by die vrou, met al die dronk mans van die ander bakkies agter my aan, een probeer toe wragtig nog een van die vrou se visse steel ook, maar sy is nugter en wakker en toe baie bedonnerd ook, ek dink daai man se kop pyn oor meer as net babelaas vanoggend.

Om vis te rook is nou nie rocket science nie, sorg dat vis droog is, gooi sout en peper, sit in roker en rook tot gaar, hoe lank gaan afhang van jou roker, maar lekker so gerookte snoekie, net so of in 'n slaai, en dan nog smoor snoek more aand, ai man baie dinge wat jy met so snoekie kan doen.

Nou lê daar nog een snoekies in die yskas, ek het appelkooskonfyt en ek het botter en ek het suurlemoene, so ek dink donderdag aand is snoekbraai aand vanaand.

Lekker eet

Potjie

Om te pap of nie

2010-04-21T08:53:00.003+02:00

In die Swartlandse dorp waar ek groot geword het was daar 'n paar dinge wat mans nie gedoen het nie, jy het nie vir Noord Transvaal (Bulle) geskree nie, jy het nie ander mans gesoen nie en jy het nie pap geëet nie. Jy sien die ding met pap eet is dat dit iets is wat mense doen wat vir die bulle skree, en ons was bang dat iemand ons sou verwar met hulle, voor julle nou begin grappies maak oor WP ondersteuners, onthou dit was die dae van 5 Currie Bekers in 'n ry, niemand het grappies oor die WP gemaak nie.

Foto van travelblog

Daar is ook 'n meer logiese rede hoekom ons hier in die Kaap nie noodwendig diesefde liefde vir mieliepap het as ons landgenote noord van die Oranje Rivier nie, die Kaap was nooit regtig mielie wêreld nie, koring ja, daarom het ons roosterbrood of weetbix geëet vir ontbyt en nie pap nie, mens eet mons maar wat eie aan 'n streek is, die ander ding natuurlik is dat pap nie regtig lekker is nie, as jy dit nie toe gooi van die tamatie en uie smoor nie is dit maar 'n droë affere op die beste van dae, en op die slegste van dae is brood baie lekkerder as pap. O ja en dan is daar natuurlik die Noord Transvaal ding, of het ek dit al genoem?

Die ander rede dat on shier in die Kaap pap met wantroue bejeen is dat ons nie rooiaas eet nie, so hoekom pap eet, dit word ook as vis aas gebruik, en dan nog om vis te vang wat die meeste mense, insluitende die wat dit vang nie wil of sal eet nie. Nou as die vis wat die pap eet so sleg is dat mens dit nie wil eet nie, hoe sleg moet die pap wees wat die vis eet? (Toemaar ek weet pap is nie vis se stapevoedsel nie, maar nogtans)

Dan die laaste maar mees belangrikste ding, as dit nie saam met snoek gaan nie, dan eet ons dit nie in die Kaap nie, en pap en snoek gaan nie saam nie.

Lekker eet

Potjie

Iemand om mee saam te eet

2010-04-20T08:17:00.003+02:00

Die naweek staan ek in die video winkel (daars niks meer videos in 'n video winkel nie, net dvd's maar dis nog steeds 'n video winkel) en ek sien 'n dvd met die titel "Someone to eat cheese with" of iets soos dit, ek het dit nie uitgeneem nie, maar wel vir Julie en Judia, die titel van die een, en iets in die fliek het my laat dink oor ons wat kook.

Iemand het eendag die opmerking gemaak oor sport "To win is not enough, someone have to lose", nou in kook kan ons sê, om te kook is nie genoeg nie, iemand moet die kos eet. Ek ken nie baie mense wat lief is vir kook maar nie vir eet nie, maar dis nie lekker om vir jouself te kook nie, my grootste genoegdoening is die plesier op iemand se gesig as hy my kos regtig geniet, so ek dink ons begin punt van kook is om ander gelukkig te maak, ok miskien hou ons bietjie van afshow, (daarom wat daar so baie foodbloggers is) maar dis die genot wat ons ander gee, wat ons betaling is vir die ure voor die stoof of vuur.

Ek kan myself hier onmiddelik weerspreek, want ek self kook as ek demoer in is, net oor kook kook is, ongeag of daar mense is om dit te eet, kook word later die uiting van jou gemoed, maar ek glo vir die meeste van die tyd, is dit om ander gelukkig te maak.

Herkou bietjie hieraan, en voel vry om met my te verskil hieroor.

Lekker eet
Potjie

Geurige Kerrie maalvleis

2010-04-16T08:06:00.004+02:00

Enige een kan maalvleis braai, kerrie poeier en borrie by gooi en jou vertel dis kerrie maalvleis, kerrie poeier is 'n uitvindsel van die Britte, 'n nasie wat se grootste bydrae tot kook kuns vis en tjips is, wil jy nou sulke mense met jou kerrie vertrou.

Nee, ek het nie so gedink nie, kom ons maak liewer so, kry die volgende gereed.

1 ui gekap
3 knoffel huisies fyn gekap
Handvol vars mint fyn gekap
Handvol vars koljander fyn gekap
700g bees maalvleis
1 teelepel fyn cumin (komyn dink ek in Afrikaans)
1 teelepel borrie
¼ teelepel fyn gemmer
¼ teelepel fyn naeltjies
4 kerrie blare
½ tot 2 teelepels chillie poeier afhangende van hoe sterk jy die kerrie wil he
3 ster anys
½ teelepel fyn cardemon
3 teelepels garam masala
3 tamaties geskil en fyn gekap
3 wortels fyn gesny (pasop jou vingers)
3 medium aartapels in klein blokkies gesny
Sout
Peper
Sonneblom olie
2 teelepels Kapruka Coconut oil

Braai die uie in olie tot sag, voeg al die droë speserye behalwe die sout,peper en ster anys by, braai tot die uie 'n donker bruin kleur het. Voeg die maalvleis by, en braai tot bruin, voeg die tamaties by en roer goed deur. Voeg die res van die bestandele by en roer deur, indien dit te droog lyk voeg klein bitjie water by. Brink tot kookpunt, verlaag hitte, en prut to die aartappels sag is. Kyk gereeld dat dit nie droog kook nie, voeg slegs 'n klein bietjie water op 'n slag by indien nodig.

Bedien met rys of vetkoek, as jy nie weet hoe om vetkoek te bak nie, kyk op my Engelse Blog, as jy nie weet hoe om rys te kook nie, kyk agter op die pakkie of bel jou ma.

Lekker eet
Potjie

Waars die res van my vinger nou?

2010-04-15T08:50:00.003+02:00

Nou die dag staan ek na 'n demonstrasie en kyk van 'n shogun groente skiller/snyer. Dis 'n gewone groente skiller, dan kan jy dit op 'n stukkie blou plastiek vas sit, dan sny jy wortels papier dun, en dan nog 'n ding wat jy groente mee in julieene strips kan sny, as jy nou koop alles vir net.... jy kry die prentjie.

Wel toe koop ek alles vir net... , die eerste aand sny ek wortels lings en regs, dit werk te wonderlik, en toe gooi ek ding in die kas, tot gisteraand, ek hou van wortels in my maalvleis kerrie, maar nie stukke nie, lekker klein dat dit so half weg kook, en nou het ek mons die gereedskap om dit mee te doen. Hier by wortel nommer drie tel ek sommer lekker spoed op, en die volgende oomblik is dit net "eina! F_k" en toe is die helfte van die wortels bloed rooi, en die bloed rooi verwys meerdirek na bloed as gewoonlik wanneer jy die uitdrukking gebruik.

Nou kyk, die voorpunt van jou wysvinger is 'n ongemaklike plek om 'n stuk vleis te verloor, 'n pleister wil nie sit nie, jy kan nie dokter toe gaan vir steke nie want dis nie regtig 'n sny nie, meer 'n afsny en die ander stuk is erens tussen die wortels. Vanoggend lyk ek soos ET (die een in die fliek) met so dik vinger, hy gloei net nie rooi nie.

Die Kerrie was heel lekker dankie.

Lekker eet

Potjie

Potjie word (alweer) op die vingers getik

2010-04-14T07:57:00.001+02:00

Gisteraand kry ek 'n oproep van my ou vriend Andre daar in Johannesburg oor my wors storie van gister. Hy sê dat hy 100% met my saamstem oor goedkoop wors, maar dat ek nie die prys van wors en maalvleis kan vergelyk nie, want wors word nie van dieselfde vleis gemaak as maalvleis nie. Wors word van wat hulle in die vleisbedryf "trimmings" noem gemaak, en is volgens Andre beter vleis as waarvan maalvleis gemaak word, dit is byvoorbeeld die stukkies wat van die sirloins ens. afgesny word om die sirloin mooi te laat lyk.

My punt was egter dat maalvleis die goedkoopste vleis is, daarom vergelyk ek dit met die prys van wors, maar soos Andre verduidelik word trimmings nie in die Slaghuis of supermark verkoop nie, daarom weet ek en jy nie wat die prys daarvan is nie. So dit kan ons laat beter voel oor wors, maar Andre sê ook dat die afsny punt van wat goeie wors kan kos is hier bokant R40.00, so pasop vir wors as dit goedkoper as dit is.

Ek dink ek het nou genoeg van wors gepraat.

Lekker eet

Potjie

Dis nou maar wors

2010-04-13T08:28:00.005+02:00

Ek het al in die verlede hier geskryf oor goedkoop wors, en die naweek toe ek so staan en vir myself worsmaak toe dink ek weer and wors met rooi "special" stickers op.

My weergawe van Morrokaanse wors

Ek weet die meeste mense gaan nooit hulle eie wors maak nie, en behalwe as jy 'n jagter is, of self iets het om te slag gaan dit waarskynlik nie goedkoper vir jou wees om wors te maak as wat dit is om wors te koop nie. Nou presies hierin lê die problem, as maalvleis koedkoper as wors is, wat op aarde is in die wors, en glo my vry, derms is vrek duur, dan nog die speserye en die arbeid om wors te maak, my logika sê vir my dat iets nie lekker is met die prentjie nie.

Winkel wors (nie die rooi sticker weergawe)

Ek praat nie hier van wors van iemand soos Rudi's Sausage Deli nie, ek praat van jou gewone wors in die supermark, en selfs party slaghuise, waar wors regtig goedkoop is, kyk bietjie volgende keer wat is die prys van maalvleis en wat is die prys van wors, dan kom vertel jy my hoeveel is 1 + 1.

Ek hoop nie ek sit jou nou af van wors af nie, want ek koop baie lekker boerewors vir R44.00/kg ek weet nie hoe hulle dit regkry nie, want die maalvleis is R49.00/kg maar ek vrae maar nie vrae nie, miskien maak ek van nou af maar al my wors self, dan weet ek wat ek eet.

Lees my Engelse Blog vir respte van die wors wat ek oor die naweek gemaak het.

Lekker eet
Potjie

Volstruisnek pastei

2010-04-10T18:05:00.002+02:00

Na die nie so lekker volstruis nek wat ek in Oudshoorn geëet het gedurende die KKNK het ek besluit om vir my bietjie volstruis nek te gaan koop en dit self te maak, maar wat is nou lekkerder as 'n wilds pastei en 'n glasie rooiwyn. Boonop is dit seker tyd dat ek weer 'n slag oor kos skryf, Ferdie bel my nou al by die huis om te kla oor die kos blog sonder resepte, maar dit laat my nou dink aan iets anders, nee toemaar ek grap maar net, hier is die resep.

Jy benodig

1 ½ to 2 kg volstius nek

4 dik snye tuisgemaakte bacon

2 Wortels in ringetjies gesny

1 Groot ui in kwarte gesny

2 huisies knoffel

Sout

Swart peper

Origanum

2 naeltjies

½ teelepel droë coriander

1 teelepel origanum

2 glase rooiwyn

Worcestersous

Sny die bacon in klein stukkies, braai in die olie, voeg die volstuis by en braai to bruin, gooi bietjie worcestersous oor en braai nog 'n bietjie. Voeg die rooiwyn by voeg dan die wortel, knoffel,ui en speserye by, bring die wyn tot kookpunt, verlaag die hitte en laat simmer vir omtrent 3 ure. Kyk elke nou en dan of daar nog genoeg vloeistof in die pot is, indien nie, voeg bietjie water by. Na so 3 ure behoort die vleis los te kom van die bene, verwyder die vleis van die bene, proe aan die vleis en pas die geur aan indien nodig.

Neem 'n pastei bak, smeer en lê uit met deeg pastei, vul die deeg met die volstruis vleis, maak die bokant toe met deeg, druk gaatjies in die deeg, verf met geklitste eier en bak tot goudbruin.

Geniet met 'n lekker bottel rooiwyn

Lekker eet

Potjie.

Die slegste hotdog ooit

2010-04-08T21:44:00.004+02:00

Soms word 'n man (of vrou) laatnag so honger dat sy goeie oordeel hom heel in die steek laat, en terwyl ek nou so terug dink aan sulke ongelukkige voorvalle besef ek met verbasing dat drank gewoonlik betrokke is by sulke geleendhede, maar ek dink dit is bloot toevallig.

(Nie die hot dog onder bespreking nie!)

Laat een aand by die KKNK besluit ons (wie ons is sal verswyg word, net ingeval enige van die ons dalk nog 'n goeie naam het)dat ons nou verwoed honger is, en ons besluit om 'n oop kos stalletjie te gaan soek. Sommige al huppelend, ander iewat meer struikelend, maar almal beur na 'n 24 uur oop Kobus se Gat, wel dit was die inligting van 'n baie onbetroubare bron, miskien 'n ander jaar maar in die jaar 2010 was Kobus se gat so toe soos 'n klei os s'n in die vroeë ogend ure in elk geval.

Ons vind toe wel 'n oop kos stalletjie, die keuse wat ons het is slap chips of 'n hot dog, nou kyk ek is nie 'n groot vienna fan op die beste van dae nie, maar dis laat en ek is honger en ek soek vleis, so ek bestel 'n hot dog, dis toe hier waar die lig vir my aangaan oor waar die naam hotdog vandaan kom, want die worsie wat daar binne was, was defnitief nie van enige dier gemaak wat ek al voorheen geëet het nie, hond het ek nog nie geëet nie, so vermoedelik was dit van hond gemaak, nie iets wat ek jou sal aanbeveel om te eet nie.

Die groot probleem van so slegte hotdog eet, is dat jy besluit om nog wyn te drink om die smaak van die hond uit jou mond te kry, en dan maak die wyn jou weer honger, 'n bose kringloop as jy nou al ooit een gesien het.

Die karakters in bogenoemde storie is totaal fiktief, en geen diere is beseer in die skryf van die storie nie.

Lekker eet

Potjie.

Sop vir jou

2010-04-07T20:45:00.002+02:00

Terwyl ek gisteraand staan en aartappel, ham en lensie sop maak dink ek aan die grappie van die kelner wat vir die blond gevra het "sop vir jou?", en toe andwoord sy "Nee sop vir jou", toe dink ek sommer aan 'n paar ander onnoselhede ook, maar Ferdie het my so op die vingers getik gister oor ek waag om oor iets anders as kos en resepte op 'n kos blog te skryf dat ek dalk nie verder hieroor moet uitwy nie, maar ons familie het 'n ingebore moedswilligheid wat my weerhou daarvan om vandag oor kos te sktyf, as jy regtig die resep van die sop wil hê gaan kyk op What's Cooking my ingelse blog.

Ons kom net nie weg die week van die K word af nie, maar gooi sommer die H word ook in terwyl ons nou besig is met moeilikheid maak. Gisteraand op pad huis toe hoor ek op KFM nuus dat die munisipale bestuurder van Stellenbosh by die geleikheidshof aangekla gaan word deur die ANC oor 'n brief wat hy aan iemand ge-email het waarin hy die K en H word gebruik, en dit was nie kos en hoender nie.

Nou , Dozi was ten minste dronk toe hy die K word gebruik het, miskien nie 'n verskoning nie, maar om 'n brief te email waarin jy hierdie woorde gebruik is net bloot onnosel, die man moet tog sekerlik weet dat die oomblik dat hy die "send" knoppie gedruk het is dit uit sy hande waar die brief ooral gaan opeindig. Daar is geen verskoning vir die man nie, maar meer nog as sy rassistiese optrede behoort hy gefire te raak vir onnoselheid, wat op aarde het hy gedink gaan gebeur, of nee wag, dis duidelik dat hy hopeloos te onnosel is om te dink, as ek die ANC was sou ek niks gedoen het hieromtrent nie, met sulke onnosel munisipale bestuurders sal die DA op Stellenbosh hulle self uit bevind kry, geen nodigheid vir inmenning van enige ander aard nie.

Miskien kan ek my more weer by kos bepaal, wie weet.

Lekker eet

Potjie.

Ons eet en drink en dans terwyl Rome brand

2010-04-07T10:05:00.002+02:00

Politiek en godsdiens hoort nie rondom 'n etenstafel nie, of so hoor ek baie mense sê, maar waar die hart van vol is loop die mond van oor, rondom die etenstafel of nie.

Sondag oggend staan ek na Die Rapport en kyk daar op 'n straathoek in Oudshoorn en ek besef die tequila van die vorige aand het nie my sig aangetas nie, daar is twee verskillende voorblaaie vir Die Rapport op Sondag oggend 4 April 2010.

Die een met Dozi wat onder die invloed van drank Die K word gebruik het, die ander met Eugene Terreblance wat met pangas dood gekap is op sy plaas. In dieselfde Rapport is daar 'n artikel oor hoe Suid-Afrikaanse digters wegbly van poësie skryf met ras as 'n tema, nogal snaaks as jy ons samelewing in ag neem.

Laat ek dit van die begin af duidelik stel, ek is en was nog nooit 'n Eugene Terreblance aanhanger nie (ook nie regtig 'n Dozi aanhanger nie, maar dis nie nou die punt nie) maar hy was 'n mens nes ek en jy, hy was 'n wit man nes ek, anders as ek het hy 'n plaas besit, en sy politieke sieninge het verskil van myne, maar hoopenlik is dit nie 'n rede om met pangas dood gekap te word nie, ek stem ook nie saam met Julius Malema nie, beteken dit dat ek snags in vrees moet lê en wag vir 'n venster wat breek en iemand met 'n panga om in my kamerdeur te verskyn, ek hoop nie so nie, die ANC maak tog kapsie teen die man wat politieke asiel gevra het in Kanada oor hy glo hy sal deur sy swart lands burgers vermoor word as hy sou terug keer na Suid Afrika. Is die man van lotjie getik, of leef ons elke dag so met geweld saam dat ons nie meer die werklikheid sien nie.

Terwyl ek die twee artikels sondag gelees het, het ek op 'n stadium onder die indruk gekom dat Dozi se gebruik van die K woord 'n groter sonde is, as die moord op 'n regse politieke leier, wat op die stadium eintlik niks meer as 'n tragiese ou man was wat verbete aan die verlede vasgeknyp het nie.

Luister mooi, ek sê nie dis reg om die groot K woord te gebruik nie, wat ek sê is dat terwyl mense loop en sing, skiet die boere, gaan sommige mense meer en meer die K woord gebruik, verkeerd of nie, wanneer mense seergemaak word met woord of daad is die eerste reaksie om terug seer te maak, die meeste van ons is eenvoudig nie goed genoeg om die ander wang te draai nie, en een of ander tyd word ons gatvol geklap, en klap ons terug, waar lê daardie punt waar mense nie meer met hulle verstand dink nie, en emosioneel begin om wraak te neem, en hoe keer ons dit dat ons nie daar die een treetjie gee om ons daar te kry nie, want meer as een of twee treë van daar af is baie mense nie.

Die wit sekerheidswag wag by ons werk vertel my vanoggend dat die afgelope 2 dae word daar dreigemente na sy kant geslinger terwyl hy met die trein werk toe ry oor wat die swart mense met die wit boere gaan maak, ja miskien is dit 'n klein groupie met leë dreigemente, maar vir die wit sekerheidswag is dit die werklikheid van die enigste lewe wat hy het, wat dink jy gaan hy vanaand hierdie mense wat hom dreig noem terwyl hy rondom die etenstafel vertel wat hy vandag op die trein moes beleef, ek vermoed dit mag dalk met 'n k begin, en hoe sal ons hom nie oordeel nie, daar is nie plek vir sulke rasiste in hierdie reënboog land van ons nie, en ja soos dit goeie politieke korrekte burgers betaam het ons reeds vergeet van hulle wat aanleiding gegee het tot die uitbarsting.

Ok, so nou is ek die tipiese Afrikaner wit man wat verlang na die verlede omdat ek iets negatiefs van die pragtige land geskryf het, ek het nuus vir julle, die meeste wit Afrikaanse mans bid elke dag dat almal in vrede kan saam leef, dat al die Eugene Terreblance's en al die Julius Malemas soos mis voor die son sal verdwyn en ons almal met ons lewens in vrede kan voortgaan, wensdenkery? Ja ek weet.

More praat ons weer kos, miskien.

Lekker eet

Potjie

KKNK Episode 1

2010-04-03T10:09:00.001+02:00

Vir een of ander obsene rede kan ek nie foto van my laptop na die blog toe aflaai nie, so geen fotos direk hier van die KKNK af nie. Maar julle kan maar net sowel na die kos stalletjies van die lagoonfees kyk, al die selfde manne en vroue is weer hier, kobus se gat, die kudu stall te duur bilton en droë wors ens. Moet sê, die drank pryse is heel billik, ongelukkig dalk…..

Die vreemdste van die fees sover is egter waar ons bly, ek het omtrent 13 jaar terug die man ontmoet by 'n jag in Upington, dit het ons eers vanoggend uitgevind oor 'n koppie koffie, heel toevallig, wys jou net, jy kan nooit van die verlede af weg vlug nie, nou nie dat ek sou wou nie, ek sê maar net.

Sover het Valiant Swart en oom Ollie ons vermaak, asook die Radio Kalahari Orkes en Prime Circle, vandag gaan ons na die gatskop blond luister, Andriette Norman en defnitief gaan ek 'n draai by die ABSA wyn tent maak.

Lekker eet

Potjie.

KKNK

2010-04-01T10:04:00.000+02:00

Volgende posting sal wees uit Oudshoorn by die KKNK!

Hot Cross Buns

2010-03-31T08:12:00.005+02:00

Nou die dag lees ek 'n resep vir hot cross buns op 'n food blog op news24 (http://blogs.food24.com/iky200306/hot-cross-buns) en ek besluit om in die gees van paasfees my hand te waag aan Hot Cross Buns bak.

Halfpad deur die resep besef ek, ek het nie mixed spice nie, wel ek besef eintlik ek het nog nooit mixed spice gehad nie, ek weet nie eers hoe ruik dit nie, maar all en mixed klink vir my naby genoeg toe gebruik ek maar die all spice, moet dit net nie verwar met jou oupa se Old Spice nie. So tyd terug het ek vanilla custard gemaak en toe die vanilla peule in suiker gedruk, ek het nie geweet wat om met die suiker te maak nie, so toe gebruik ek dit maar in die hot cross buns.

Iky200306 die girl van die blog waarop ek die resep gekry het is (soos ek) nie groot op spesifieke mates nie, haar mates gaan soos volg "enough water to make a thick(ish) paste" so my paste was nie thick(ish) genoeg nie, wat beteken dat ek geeindig het met Not Cross Buns, in plaas van Hot Cross Buns, en ek sal ook bietjie moet werk aan my glasiering. Maar die smaak is heel ok.

Lekker eet
Potjie